First Page

انجمن تاجران کا ملک گیر کنونشن، ود ہولڈ نگ ٹیکس واپس لینے کا مطالبہ لیہ(صبح پا کستان )انجمن تاجران کا ملک گیر کنونشن، تاجر رہنماؤں کا ود ہولڈ نگ ٹیکس واپس لینے کا مطالبہ، ایمنسٹی سکیم کی بھی بھر مخالفت کا اعلان کر دیا۔ود ہولڈ ٹیکس کے نفاذ کے خلاف ملتا ن کے بعدانجمن تاجران پاکستان کا تاجر کنونشن پرانی سبزی منڈی لیہ میں منعقد ہو ا جس میں انجمن تاجران کے مرکزی صدر خالد پرویز، مرکزی جنرل سیکرٹری عبدالرزاق ببرسمیت پاکستان بھر سے تاجررہنماؤں نے شرکت کی۔تاجرکنونشن میں ضلع بھر کے تاجروں نے بڑی تعداد میں شرکت کی اور ودہولڈ ٹیکس کے خلاف جاری تحریک میں مزید تیزی لانے کے قائدین کے اعلان کو سراہا۔ تاجر رہنماؤں نے خطابمیں صوبائی و وفاقی حکومتوں پر کڑی تنقید کرتے ہوئے کہاکہ تاجر ملک کی ترقی میں ریڑھ کی ہڈی کی حیثیت رکھتے ہیں مگر حکومت تاجروں پر ناجائز ٹیکس لگا کر ملکی معیشت کو تباہی کے دہانے پر لانے چاہتے ہیں۔ تاجروں نے الزام عائد کیا کہ حکومت ورلڈ بینک ، آئی ایم ایف کے دباؤ پر تاجروں پر ناجائز ودہولڈ نگ ٹیکس لگا رہی ہے جو تاجروں کو کسی صورت قبول نہیں ۔ انہوں نے کہاکہ اگر تاجرسٹرکوں پر آگئے تو حکومت نہیں چل سکے گی۔تاجررہنماؤں نے اپنے خطاب میں ایمنسٹی سکیم پر کڑی تنقید کرتے ہوئے کہاکہ حکمران کالا دھن سفید کرنے کے لئے ایمنسٹی سکیمیں لا رہے ہیں جو تاجروں کے لئے ناقابل قبول ہیں۔ تاجروں نے آنے والے دنوں میں مزید تاجر کنونشن منعقد کرنیکا اعلان کرتے ہوئے تحریک تیز کرنے کا اعلان کیا۔ رپورٹ ۔ ،ہر زاہد سر فراز واند ر پریس رپورٹر