مہر فخر رضا ملانہ ایڈووکیٹ ہائیکورٹ بار ایسوسی ایشن کی ایگزیکٹو ممبر کی نشست پر بلامقابلہ کامیاب
ملتان(صبح پا کستان ) کنزیومرزرائٹس ایسوسی ایشن ملتان کے صدر مہر فخر رضا ملانہ ایڈووکیٹ ہائیکورٹ بار ایسوسی ایشن ملتان کے الیکشن2016-17میں ایگزیکٹو ممبر کی نشست پر بلامقابلہ کامیاب قرار دئیے گئے ہیں۔ہیلپرز بزنس کونسل اور کنزیومررائٹس ایسوسی ایشن ملتان کے عہدیداران پر مشتمل وفد نے گذشتہ روز ملانہ لاچمبر میں ان سے ملاقات کی ۔ اس دوران نومنتخب ممبر ہائیکورٹ بار ایسوسی ایشن مہر فخر رضا ملانہ ایڈووکیٹ نے گفتگو کرتے ہوئے کہا کہ عدلیہ کے وقار اور وکلاء برادری کے اعتماد کیلئے مثالی کردار ادا کرونگا اور سائل شہریوں کے درپیش مسائل اور معاملات کے حل کیلئے ترجیحی بنیادوں پر کام کرونگا اور منتخب ہائیکورٹ بار
ایسوسی ایشن کے ساتھ مضبوط اور کنگ ریلیشن شپ استوار کرونگا اور کنزیومرز کے حقوق کیلئے اپنی تمام تر توانائیاں بروئے کار لا ؤنگا۔اس دوران مرکزی تاجر راہنماؤں غضنفر ملک، معظم وحید خواجہ، کلب عابد خان، چوہدری محمود علی، رانا مبشر رئیس اور شیخ تاجر طاہر نے مہر فخر رضا ملانہ کی بلامقابلہ کامیابی کا خیر مقدم کرتے ہوئے کہا کہ کنٹونمنٹ سول سوسائٹی ہائیکورٹ بار ایسوسی ایشن کے جمہوری عمل اور انتخابات کو قدر کی نگاہ سے دیکھتی ہے۔ انصاف کی فراہمی اور درپیش مسائل کے حل کیلئے وکلاء برادری کا کردار قابل ستائش وتحسین رہا ہے اس دوران خواجہ دلشاد احمد، باسط توقیر انصاری، رانا مقصود احمد، میاں بلال احمد ایڈووکیٹ، مہر منظر ملانہ ایڈووکیٹ بھی ملاقات میں شریک تھے۔
