نشیبی علاقہ بکھری احمد خان مین کٹا ؤ کو روکنے کے لیے ہر ممکن اقدامات کئے جائیں کمشنر ڈیرہ غازیخان
کوٹ سلطان (صبح پا کستان)کوٹ سلطان کے نشیبی علاقہ بکھری احمد خان مین کٹا ؤ کو روکنے کے لیے ہر ممکن اقدامات کئے جائیںیہ ہدایات کمشنر ڈی جی خان یثرب خان ہنجر اء نے بکھری احمد خان بکھری احمد خان سپر پر جاری کٹاؤ کی صورت حال کا جائزہ لیتے ہوئے کیں اس موقع پر انہوں نے پر محکمہ ایریگیشن کے آفیسران کو کٹاؤ کو روکنے کے لیے ہدایات جاری کیں انہوں نے کہا کہ پنجاب حکومت دیہی علاقوں کی ترقی و خوشحالی کے موئثر اقدامات کر رہی ہے سیلاب کی صورت حال کو کنٹرول کرنے کے لیے حفاظتی
اقدامات بروقت مکمل کئے جائیں انہوں نے موجودہ کٹاؤ کی صورت حال پر تشویش کا اظہار کرتے ہوئے محکمہ ایر ی گیشن کے عملہ کو فوری اقدامات کرنے کی ہدایات کیں ،اس موقع پر اسسٹنٹ کمشنر لیہ منظور حسین چانڈیہ ،ایم پی اے مہر اعجاز اچلانہ کے علاوہ متعلقہ محکمو ں کے اعلیٰ آفیسران و عملہ بھی موجود تھے ۔
انجمن تاجران کوٹ سلطان کے انتخابات میں چھوٹے دکاندار نظر انداز
کوٹ سلطان (صبح پا کستان) انجمن تاجران کوٹ سلطان کے انتخابات میں سامنے آئے دونوں گروپوں نے چھوٹے دکانداروں کا نظر انداز کیا ہے پیسٹی سائیڈ یونین انجمن تاجران کے انتخابات میں اپنا گروپ سامنے لائیگی جس میں چھوٹے دکانداروں کو اہمیت دی جائے گی ان خیالات کا اظہارپیسٹی سائیڈ یونین کوٹ سلطان کے سر پرست اعلیٰ اول محمد ساجد اخترسرپرست اعلیٰ دوئم فوجی محمد حنیف ،صدر اول مہر عدنان الہی وینیوال جنرل سیکرٹری رانا عالمگیر نے پیسٹی سائیڈ یونین کے اجلا س خطاب کرتے ہوئے کیاانہوں نے کہا کہ انجمن تاجران کوٹ سلطان کے ہونے والے انتخابات مین سامنے آئے دونوں گروپوں نے چھوٹے دکانداروں جن میں حجام ،موچی ،مکینکس ،الیکٹریشن اور دیگر کو نظر انداز کیا جو کہ ان دکانداروں کی حق تلفی ہے انہوں نے کہا کہ موجودہ صورت حال کے تحت ہم اپنا گروپ مقابلہ کے لیے لائیں گے جو خالصاََ تاجروں پر مشتمل ہو گا اور جس میں چھوٹے دکانداروں کا اہمیت حاصل ہوگی، اس موقع پر ملک فیاض ،ملک الیاس کالرو،اللہ ڈتہ وینیوال ،مظہر عبداللہ ،رب نواز خان،محمد اشرف،محمد ہاشم ،غلام یسین سابقی ،ریاض شیخ ،ظفراللہ ،فرحت عباس اور دیگر بھی موجود تھے ۔
محمد ہاشم سہو ن کی طرف سے انجمن تاجران کے الیکشن میں تاجر اتحاد گروپ کی حمایت کا اعلان
کوٹ سلطان (صبح پا کستان ) معروف تاجر و سماجی کارکن محمد ہاشم سہو نے حالیہ انجمن تاجران کے الیکشن میں تاجر اتحاد گروپ کی حمایت کا اعلان کر دیا ہے ،تاجر اتحاد گروپ کے وفد سے ملاقات میں انہوں نے تاجر اتحاد گروپ کے صدر طارق خان بلوچ جنرل سیکرٹری حافظ محمد آصف اور دیگر عہدیداروں کی بھر پور حمایت کا اعلان کیا ہے ۔
گندم کی فصل پر پانی اور کھاد کا خاص خیال رکھا جائے ، محکمہ زراعت
کوٹ سلطان (صبح پا کستان)گندم کی فصل پر پانی اور کھاد کا خاص خیال رکھا جائے یہ ہدایات انسپکٹر محکمہ زراعت مہر فیاض احمد ونجھیرہ نے کاشتکار جام محمد اشرف کے ڈیرہ پر کسانوں سے سے خطاب کرے ہوئے کیں انہوں نے کہا کہ اس وقت گندم کی فصل گوبھ پر آئی ہوئی جس میں آبپاشی اور کھادوں کا خاص خیال رکھا جائے تاکہ فصل اچھی ہو سکے ۔
رپورٹ ۔ ملک فہیم منجوٹھہ پریس رپورٹر
