پی ڈی ایم اے کا الرٹ جاری ۔ڈیرہ غازیخان سمیت متعدد اضلاع میں بارشوں کی پیشین گوئئ

لاہور(ویب ڈیسک)پی ڈی ایم اے نے مزید بارشوں اور برفباری بارے الرٹ جاری کرتے ہوئے کہا ہے کہ پنجاب کے بیشتر اضلاع میں 26 سے 27 جنوری کے دوران بارشوں کی پیشگوئی ہے۔ترجمان پی ڈی ایم اے کے مطابق26 اور 27 جنوری کے دوران مری گلیات ودیگر پہاڑی علاقوں میں برفباری اور شدید بارش کا امکان ہے۔ صوبائی دارالحکومت لاہور، سرگودھا، گوجرانوالہ، ساہیوال، ملتان، فیصل آباد، ڈیرہ غازی خان اور بہاولپور ڈویژن میں بھی بارش ہو گی۔ ڈی جی پی ڈی ایم اے عرفان علی کاٹھیا نے کہا ہے کہ لوکل گورنمنٹ، محکمہ صحت، ریسکیو 1122، پولیس اور محکمہ ٹرانسپورٹ کو الرٹ جاری کر دیا گیا ہے،وزیر اعلی پنجاب کی ہدایات کے پیش نظر تمام متعلقہ محکمے الرٹ رہیں۔ ڈی جی پی ڈی ایم اے نے کہا کہ بارشوں کے دوران ایمرجنسی کنٹرول رومز میں سٹاف کو 24 گھنٹے الرٹ رکھا جائے،ریسکیو 1122 کی ڈیزاسٹر رسپانس ٹیموں کو بھی ہائی الرٹ رکھا جائے۔ انہوں نے کہا کہ شہری خراب موسم کی صورتحال میں غیر ضروری سفر سے گریز،مری میں سیاح احتیاطی تدابیر اختیار اور ہدایات پر عمل کریں۔ انہوں نے کہا کہ مری میں برفباری کے پیش نظر ضلعی انتظامیہ اور متعلقہ ادارے الرٹ ہیں،عوام جاری کردہ احتیاطی تدابیر پر عمل کریں۔انہوں نے کہاکہ شہری ایمرجنسی کی صورت میں پی ڈی ایم اے کی ہیلپ لائن 1129 پر رابطہ کریں۔