جنوبی پنجاب

لیہ( صبح پا کستان ) کشمیر آوور کے موقع پر ٹی ڈے چوک میں منعقدہ مرکزی احتجاجی اجتماع سے خطاب کرتے ہوے مقررین نے کہا ہے کہ وطن عزیز کے کروڑوں عوام کے دل اپنے کشمیریوں بھائیوں کے ساتھ دھڑکتے ہیں اور کشمیر میں ہونے والے ہر ظلم و زیادتی پر ہماری عوام کے دل بھی ان کی طرح خون کے آنسوروتے ہیں ۔ مقررین میں ڈپٹی کمشنر ذیشان جاوید ،معاون خصوصی سی ایم پنجاب رفاقت علی گیلانی،صوبائی پارلیمانی سیکرٹری سردار شہاب الدین خان سیہڑ ،پی ٹی آئی رہنما چوہدری بشارت علی رندھاوا،سردار سجن خان تنگوانی ودیگر شامل تھے ۔ انہوں نے کہا کہ انڈیا نے کشمیر کی خود مختیاری ختم کرکے بہت بڑی بھول کی ہے ۔ وزیر اعظم پاکستان نے کشمیر ایشو پر مضبوط موقف اختیار کرکے عالمی برادری کو جھنجوڑ کررکھ دیا ہے جس کے مثبت نتاءج سامنے آنا شروع ہوگئے ہیں اور دشمن ملک بوکھلاہٹ کا شکا ر ہوچکا ہے اور آج کا یہ عظیم الشان اجتماع اس بات کا غماز ہے کہ پاکستانی قوم اُٹھ کھڑی ہے جو کشمیر کی آزادی تک چین سے نہیں بیٹھے گی ۔ اسی طرح انہوں نے مزید کہا کہ وزیر اعلیٰ پنجا ب عثما ن بزدار نے کشمیر کے معاملے پر وفاقی حکو مت کی معاونت کے لئے ایک خصوصی کمیٹی تشکیل دے دی ہے تا کہ موثر طور پر پنجا ب کی عوام بھی وفاق کے شانہ بشانہ کشمیریوں کے حق خود ارادیت کو منوانے کے لئے سرگرمی سے شامل رہیں ۔ اجتما ع میں زندگی کے تمام شعبوں سے تعلق رکھنے والے افراد جن میں سیاسی و سما جی کا ر کن ، سرکا ری افسران ، اساتذہ ، طلبا ء و طا لبات ، وکلا، ڈاکٹرز ، تا جر نما ئندے ،سول سوساءٹی ، غیر سرکا ری تنظیموں اورعام شہریوں کی بڑی تعداد نے شرکت کی جنہوں نے کشمیربنے گا پاکستان اور کشمیریوں سے رشتہ کیا لا الہ اللہ کے فلک شگاف نعرے لگائے ۔ قبل ازیں 12بجے پاکستانی اور کشمیری ترانے پڑھے گئے اور ٹریفک بندرہی ۔ بعدازاں احتجاجی اجتماع نے پارلیمانی سیکرٹری ایم پی اے شہاب الدین خان سیہڑ کی سربراہی میں فوارہ چوک تک ریلی نکالی گئی ۔ اسی طرح کی ریلیاں و اجتما ع کو ٹ سلطا ن ، چوک اعظم ، چوبا رہ ، فتح پور ، جمن شاہ ، کروڑ اور مختلف یو نین کو نسلوں ،صحافتی تنظیموں ،پرائیویٹ سکول ایسوسی ایشن ،تاجرتنظیموں ،سول سوساءٹی ،این جی اوز کی ریلیاں بھی ٹی ڈی اے چوک پہنچیں جن میں کشمیری عوام سے یکجہتی کا اظہار کیا گیا ۔ اسی طرح ڈسٹرکٹ جیل لیہ سے ان کے اہلکاروں پر مشتمل موٹر سائیکل ریلی ٹی ڈی اے چوک سپرینڈنٹ جیل محمدفیروز کلیار کی قیادت میں پہنچی ۔