لیہ{ صبح پا کستان }پاسپورٹ آفس کے سامنے تجاوزات اور غیر قانونی ایجنٹوں کے خلاف ضلعی انتظامیہ کی کاروائی ، پاسپورٹ آفس کے سامنے ایجنٹوں کے لگائے گئے تمام غیر قانونی کیمپ اکھاڑ دیئے گئے
تفصیل کے مطا بق ڈپٹی کمشنر ذیشان جاوید کی تجاوزات کے خاتمے کے لیے ہدایت پر ایڈمنسٹریٹر فیاض احمدندیم ،ایم او ریگولیشن مہر غلام سرور ،عبدالحق اور پولیس کی خصوصی ٹیم کے ہمراہ پاسپورٹ آفس کے باہر ایجنٹوں کے تھڑے اور چھپر کے خلاف خصوصی آپریشن کرتے ہوئے مسمارکیے گئے اور ایم سی حکام نے متعلقہ سامان قبضے میں لے لیا ۔ اسی طرح لیہ مائنر ،ٹی ڈی اے کالونی ،جنرل بس سٹینڈ ،ہاوسنگ کالونی روڈ ،لب نیلم پل ،فیملی پارک سے تمام تجاوزات کو مشینری کے ذریعے ختم کرایا گیا اور شجرکاری کی گئی اور چونے کی مدد سے لائنیں لگائی گئیں اور انتباہ کیاگیا کہ خلاف ورزی کی صورت میں سخت کارروائی عمل میں لائی جائےگی ۔
