Tag: layyah news

لیہ ( صبح پا کستان ) معاون خصوصی وزیر اعلیٰ انسپکشن ٹیم شعیب مرزا نے ضلع لیہ کے دورہ کے دوران مختلف ترقیاتی منصوبوں اور عوامی سہولیات کے مراکز کا معائنہ کیا۔ اس موقع پر ڈپٹی کمشنر لیہ آصف علی ڈوگر اور متعلقہ افسران بھی ہمراہ تھے۔ معاون خصوصی شعیب مرزا نے بہادر ڈیجیٹل لائبریری کا معائنہ کرتے ہوئے لائبریری کی بحالی اور شہریوں کے لیے فراہم کی جانے والی سہولیات کا جائزہ لیا۔ انہوں نے سپورٹس کمپلیکس لیہ اور مریم نواز سپورٹس ارینا کا بھی معائنہ کیا اور کھیلوں کی سہولیات، جاری کام اور انتظامات کا جائزہ لیا۔ معاون خصوصی شعیب مرزا نے سول کلب لیہ کا دورہ کرتے ہوئے جاری تعمیراتی کام اور فراہم کی جانے والی سہولیات کا جائزہ لیا۔ انہوں نے کنزیومر کورٹ کا معائنہ کرتے ہوئے انتظامات اور شہریوں کو فراہم کی جانے والی سہولیات کا جائزہ لیا جبکہ جنرل ہسپتال ٹراما سنٹر اور ڈائیلسیز وارڈ چوک اعظم کا بھی معائنہ کیا۔ فتح پور میں ٹراما سنٹر پارک اور سہولت آن دا گو بازار اور تعمیر نو پارکس کا بھی وزٹ کیا اس موقع پر معاون خصوصی وزیر اعلیٰ انسپکشن ٹیم شعیب مرزا نے کہا کہ وزیر اعلیٰ پنجاب مریم نواز شریف کی قیادت میں عوام کو بہتر اور معیاری سہولیات کی فراہمی، صحت، تعلیم، کھیل اور دیگر شعبوں میں عوامی فلاح کے منصوبوں کی تکمیل پر خصوصی توجہ دی جا رہی ہے۔ انہوں نے کہا کہ ضلع لیہ میں مختلف شعبوں میں جاری ترقیاتی اور عوامی فلاحی منصوبوں کے مثبت نتائج سامنے آ رہے ہیں اور شہریوں کے لیے سہولیات میں بہتری خوش آئند ہے۔ معاون خصوصی شعیب مرزا نے عوامی سہولیات کے مختلف منصوبوں میں ضلعی انتظامیہ کی کاوشوں کو سراہا۔