لیہ نیوز

لیہ(صبح پا کستان)مفکر پاکستان ڈاکٹر محمد علامہ اقبال کایوم وفات،ڈسٹرکٹ پریس کلب میں سیمینار کا انعقاد،ڈویژنل صدر مسلم لیگ ن،ایم پی اے لیہ مہر اعجاز احمد اچلانہ کی خصوصی شرکت،قومی شاعر کی خدمات کو خراج تحسین درجات کی بلندی کیلئے دعا کی گئی، ڈاکٹر علامہ اقبال نے برصغیر کے مسلمانوں کو اپنی نثر و شاعری کے ذریعے علیحدہ وطن کے حصول کا ایک فلسفہ دیا تھا خطبہ الہ باد لازوال تخلیکات اور اپنی گراں قدر خدمات کے ذریعے جوش و ولولہ شعوری اگاہی دی جس کی بدولت آج ہم آزاد وطن کی فضاؤ ں میں ان کی یاد منا رہے ہیں کیونکہ جس اسلامی اور قومی انقلابی افکارو نطریات و خیالات سے انہوں نے قوم کو جگایا اور قربانیوں کی بدولت برصغیر پاک و ہند کی تقسیم ہوئی اس کیلئے ان کی ذات خراج تحسین کی مستحق ہے آج کے دن عہد کرنے کا دن ہے کہ فلسفہ علامہ اقبال پر کاربند ہوکر اپنے وطن کی ترقی خوشحالی اور حفاظت کیلئے ان کے رہنما اصولوں پر عمل کریں گے یہ بات سابق صوبائی وزیر ایم پی اے ڈویژنل صدر مسلم لیگ ن مہر اعجاز احمد اچلانہ نے ڈسٹرکٹ پریس کلب کے زیر اہتمام علامہ اقبال کی یوم وفات کے حوالے سے منقدہ تقریب سے خطاب کرتے ہوئے کہی۔تقریب سے صدر ڈسٹرکٹ پریس کلب عبدالرحمن فریدی و میڈیا نمائندگان ملک مقبول الہی،ملک ریاض احمد جکھڑ ملک، کامران تھند،زاہد سرفراز واندر،فرید اللہ چوہدری، سید محمد عثمان شاہ نے خطاب کرتے ہوئے علامہ اقبال کی زندگی کے مختلف پہلوں کو اجاگر کرتے ہوئے نظریہ پاکستان کی سر بلندی برصغیر میں علامہ اقبال کے فلسفہ حیات شاعری کے ذریعے مسلمانوں میں جدوجہد آزادی کو تیز تر کرنے اور علیحدہ وطن کے نظریہ کی جدوجہد میں ان کی خدمات پر سیر حاصل روشنی ڈالی مہر اعجاز احمد اچلانہ نے کہا کہ حضرت علامہ اقبال کے یوم وفات پر ڈسٹرکٹ پریس کلب کے تحت تقریب کا اہتمام صحافیوں کی بالغ نظری کا ثبوت ہے کیونکہ ڈاکٹر محمد علامہ اقبال نے ہی مشکل وقت میں جس طرح قوم کی سمت درست کرتے ہوئے انہیں آزاد وطن کے خواب کی طرف اپنے مجموعے کلام کے ذریعے توجہ مبذول کروائی آج اس کا ثمر ہے کہ ہم اس پر وقار تقریب میں موجود ہیں انہوں نے تمام میڈیا نمائندگان کا تقریب کے انعقاد پر شکریہ ادا کیا،تقریب کے آغاز پر ہی ڈاکٹر علامہ اقبال کی روح کے ایصال ثواب کیلئے فاتحہ خوانی بھی کی گئی۔