لیہ ۔جعلی پیر کا عورت پر تشدد ،سوشل میڈیا پر ویڈیو وائرل ، ملزم گرفتار

لیہ ( صبح پا کستان) جعلی پیر کا عورت پر تشدد ،سوشل میڈیا پر ویڈیو وائرل ، ڈسٹرکٹ پولیس آفیسر لیہ حسن جاوید بھٹی کا سخت نوٹس ،تھانہ کوٹ سلطان پولیس نے مقدمہ درج کرکے جعلی پیر کو گرفتار کر لیا ،کوٹ سلطان کے رہائشی رب نواز کی بیوی کی زچگی کے ہفتہ بعد طبیعت خراب ہونے پر منظور نامی جعلی پیر کو علاج معالجہ کےلئے بلایا گیا ،جعلی پیر نے جنات کا سایہ بتلایا اور جنات بھگانے کےلئے عورت پر تشدد کیا ،جس سے خاتون کی حالت مزید خراب ہو گئی ،سوشل میڈیا پر وائرل ویڈیو کاڈی پی او لیہ حسن جاوید بھٹی نے سخت نوٹس لیتے ہوئے ایس ایچ او کوٹ سلطان زاہد لغاری کو ملزم کی فوری گرفتاری کا حکم دیا،ایس ایچ او کی زیر قیادت تشکیل کردہ پولیس ٹیم نے فوری کاروائی عمل میں لاتے ہوئے جعلی پیر منظور کو گرفتار کرکے بند حوالات کیا ،ملزم کے خلاف مقدمہ کرکے مزید قانونی کاروائی عمل میں لائی جا رہی ہے ،ڈی پی او لیہ حسن جاوید بھٹی کا کہنا ہے کہ وزیر اعلیٰ پنجاب کے ویژن کے مطابق خواتین کے تحفظ کو یقینی بنانے کےلئے لیہ پولیس ہمہ وقت الرٹ رہے ، ملزم کے خلاف سخت قانون کاروائی عمل میں لا کر متاثرہ خاتون کو مکمل انصاف فراہم کیا جائے گا۔