راجن پور ( صبح پا کستان )انڈس شوگر مل راجن پور میں کسانوں کی سہولت کے لئے کسان گھر کا افتتاح چیئرمین مارکیٹ کمیٹی راجن پور ظہیر احسن چوہدری نے کیا اور اس کسان گھر کو شوگر مل انتظامیہ کے حوالے کیا گیا۔اس موقع پر ای اے ڈی اے راجن پور ابراہیم راشد،سیکریٹری مارکیٹ کمیٹی چوہدری محمد ظہیر،شوگر مل کے منیجر سید اورنگزیب شاہ،صدر کسان راؤ افسر،ڈاکٹر محمد طاہر اور سب انسپکٹر مارکیٹ کمیٹی سید حسن الیاس بھی موجود تھے۔چیئرمین مارکیٹ کمیٹی راجن پور ظہیر احسن چوہدری نے کہا ہے کہ حکومت پنجاب کسانوں کو بہتر سہولیات فراہم کر کے ان کو باعزت مقام دینا چاہتی ہے ۔شوگر مل میں آنے والے کسانوں کے لئے ایک بہترین گھر تیار کیا گیا ہے تاکہ وہ عزت و احترام سے رہیں۔
