لیّہ . جس سہانی گھڑی چمکا طیبہ کا چاند

لیّہ(صبح پاکستان )
جس سہانی گھڑی چمکا طیبہ کا چاند،
اس دل افروز ساعت پہ لاکھوں سلام
آنکھ پُرنم اور ہر دل سرور و مسرت سے لبریز۔
عید میلاد النبی ﷺ کی عظیم الشان اور مرکزی محفل عشق و عقیدت کے ساتھ میلاد گراونڈ میں منعقدہوئی۔ میلاد گراونڈ کو آمدمصطفی مرحبا کے بینرزاور ددیدہ زیب جھنڈیوں سے سجایاگیا ۔محفل میں پانچ ہزار نشستوں کا اہتمام کیا گیامگر عاشقانِ مصطفیٰ کے والہانہ جذبے کے آگے یہ کرسیاں کم پڑ گئیں۔محفل میں نعت رسول مقبول کی صداؤں سے حاضرین کے قلوب عشقِ محمدی سے سرشار ہو گئےفضا میں "یا رسول اللہ ﷺ” کی صدائیں گونج اُٹھیں۔ محفل میں علاقہ بھر کے عاشقانِ رسول کا جوش و خروش کے ساتھ شرکت کی۔محفل میں میں علاقہ کی معروف مذہبی شخصیت پیر سید سبط الحسنین شاہ گیلانی نے خصوصی شرکت کی۔اس موقع پرایڈیشنل ڈپٹی کمشنرز محمد شاہد ملک، شبیر احمد ڈوگر ،سابق ممبران اسمبلی سید ثقلین شاہ بخاری اور سید رفاقت علی گیلانی ،اسسٹنٹ کمشنر حارث حمید خان ، ڈی ایس پی صدر عمران خورشید ،ضلعی صدر پی ایم ایل این مہر اسلم سمراء،سی او ایم راشدعزیز غزنوی، صدر انجمن تاجران محمد اظہر ہانس، چیئرمین حاجی تنویر احمد خان،صدرپریس کلب محسن عدیل چوہدری،صدر اپیکاشعیب جیلانی دھول،سماجی شخصیت مہرطفیل لوہانچ ودیگر موجودتھے۔ تقریب کا باقاعدہ آغاز تلاوت قرآن پاک، نعت،قصیدہ بردہ شریف،پرچم کشائی،قومی ترانہ سے کیاگیا۔اس موقع پرخطاب کرتےہوئے سابق ایم این سے سیدثقلین شاہ بخاری نے کہاکہ اس طرح کی محافل دراصل ہماری محبتِ رسول کے اظہار کا ذریعہ ہیں حضور کی ولادت سے کائنات میں نور ہی نور پھیل گیا اور اندھیروں کا خاتمہ ہوا آج امت مسلمہ کے لیے لازم ہے کہ وہ حضور کی سیرتِ طیبہ کو اپنی عملی زندگی کا حصہ بنائےاگر ہم سیرت النبی کو اپنالیں تو دنیا و آخرت میں کامیابی ہمارے قدم چومے گی۔ایڈیشنل ڈپٹی کمشنر ریونیومحمدشاہدملک نےکہاکہ حضور اکرم کی ذاتِ اقدس پوری انسانیت کے لیے مشعلِ راہ ہےآج کادن ہمیں یہ پیغام دیتا ہے کہ ہم اخوت، مساوات، انصاف اور بھائی چارے کے اصولوں کو اپنی زندگی کا حصہ بنائیں سیرت النبی ہمیں امن و محبت، خدمتِ خلق اور ایثار کا درس دیتی ہے یہی تعلیمات دنیا میں قیامِ امن اور ترقی کی ضمانت ہیں۔سابق ایم پی اے سیدرفاقت علی گیلانی نے کہاکہ انہوں نے کہا کہ حضور نبی کریم کی ولادت سے کائنات کی فضائیں جگمگا اٹھیں نبی اکرم کی تعلیمات پر عمل کر کے ہی ہم اپنی ذاتی، سماجی اور قومی زندگی میں کامیاب ہو سکتے ہیں حضور کی سیرت ہمارے لیے دنیا و آخرت کی نجات کا واحد راستہ ہے ۔ مفتی احمد رضا اعظمی نے خطاب کرتے ہوئے کہاکہ ہماری کامیابی اسی میں ہے کہ ہم اپنی زندگیاں دین اسلام کے مطابق بسر کریں سیرت النبی ہمیں اخوت، محبت، برداشت اور انصاف کا درس دیتی ہے، یہی وہ اوصاف ہیں جو معاشرے میں حقیقی امن اور سکون کی ضمانت ہیں ۔شیخ محمد اشرف چشتی، قاری محمد یاسین نے کہاکہ جشن عیدمیلاد النبی کا بابرکت مقدس اور پاکیزہ یوم سعید اس امر کا متقاضی ہے کہ ختم الرسول نبی آخری الزمان کی سیرت طیبہ پر عمل پیرا ہونے کے لیے تجدید عہدکریں۔ آنے والے تمام شرکاء میں شیرینی تقسیم کی گئیں آخر میں پیر سید سبط الاحسنین شاہ گیلانی نے دعا کروائی یوم دفاع کی مناسبت سے وطن عزیز کی حفاظت کے لئے بھی دعا مانگی گئی۔ ختم نبوت چوک پرفیتہ کاٹ کرجلوس کا باقاعدہ افتتاح کیاگیاجو روایتی راستے ہوتا ہوا پرامن طریقہ سے اختتام پذیر ہوا شرکاء ریلی کے لئے 105 دیگوں کا خصوصی اہتمام کیاگیا ۔میلاد کمیٹی کے منتظمین شیخ محمد اشرف چشتی، قاری محمد یاسین،حاجی احمدکلاسرہ نے بہترین انتظامات پر ضلعی انتظامیہ کا شکریہ ادا کیا۔تحصیل چوبارہ اور تحصیل کروڑ میں بھی عیدمیلاد کے حوالے سے جلوس و ریلیاں نکالی گئی جن کی قیادت اسسٹنٹ کمشنررز محبوب اقبال ہنجرااور نعمان محمود نے کی۔