لیہ ۔ تحریک انصاف کے کارکنان نے بلا فورس تیار کر لی
لیہ(صبح پاکستان)رائیونڈ مارچ کے لئے تحریک انصاف کے کارکنان نے بلا فورس تیار کر لی، عمران خان کے لئے خون کا ہر قطرہ نچھاور کرنے کا عزم۔ لیہ میں انصاف سٹوڈنٹس فیڈریشن، عمران ٹائیگر فورس کے کارکنان نے لیہ میں بلے اٹھائے، کرپشن کو مات دینے کے چارٹ ہاتھوں میں پکڑے بلا فورس کے کارکنان اپنے قائد کے حکم پر رائیونڈ مارچ کی تیاری کے ساتھ ساتھ اپنے قائد کی حفاظت کے لئے بھی کمر بستہ ہو چکے ہیں۔ رائیونڈ مارچ میں اب تھوڑے دن باقی رہ گئے ہیں جس پر ملک بھر کی طرح لیہ میں بھی مسلم لیگ ن اور تحریک انصاف کے کارکنان کا لہو گرم ہوتا جاتا رہا ہے۔پی ٹی آئی کا یہ رائیونڈ مارچ کیا رنگ دکھائے گا، یہ تو آنے والا وقت ہی بتائے گا مگر دونوں سیاسی جماعتوں کے قائدین کا امتحان ان کے کارکنان کے حوصلہ اور پرتشدد رویوں سے دور رکھنے کا ہے۔
رپورٹ۔ مہر زاہد سرفرازواندر
