لیہ(صبح پا کستان)وفاقی پارلیمانی سیکرٹری پلائننگ اینڈ ڈویلپمنٹ سید ثقلین شاہ بخاری نے گردے والا، گلی ڈاکٹر فیروز والی ، بستی شاہنواز میں سوئی گیس فراہمی منصوبے کا افتتاح کر دیا، افتتاحی تقریب سے خطاب کرتے ہوئے سید ثقلین شاہ بخاری نے کہاکہ مسلم لیگ ن شہریوں کو بنیادی سہولیات کی فراہمی کے لئے تمام وسائل استعمال کر رہی ہے، لیہ کے تمام وارڈز، محلوں میں گیس فراہمی کے منصوبوں پر کام کیا جار ہا ہے، انہوں نے کہا کہ وزیر اعظم پاکستان میاں محمد نواز شریف، میاں شہباز شریف کے ترقی کے وژن کے مطابق پاکستان کو ایشین ٹائیگربنانے کے لئے دن رات کام جاری ہے، تقریب سے خطاب کرتے ہوئے چیئر مین میونسپل کمیٹی حافظ محمد جمیل نے کہا کہ لیہ کے محلوں ، کالونیوں میں گیس فراہمی کے بعد شہریوں کو بہترین سہولیات کی فراہمی سے نئے دور کا آغاز ہو گا، انہوں نے کہا کہ بلدیاتی نظام فعال ہونے سے شہریوں کے تمام گلی محلوں کے مسائل بھی حل ہور ہے ہیں، اس موقع پر کونسلرز افضال خان گڑیانوی، ظفر اقبال کے علاوہ نیر شاہ سمیت شہریوں کی بڑی تعداد شریک تھی، افتتاحی تقریب کے موقع پر ملک کی ترقی و خوشحالی کے لئے دعا بھی مانگی گئی۔
