راجن پور ( صبح پا کستان )چیئر مین میونسپل کمیٹی راجن پور کنور کمال اختر نے ، ڈپٹی کمشنر راجن پور ظہور حسین کے ہمراہ آج جھوک فرید فوڈ پوائنٹ کا افتتاح کرتے ہوئے کہا ہے کہ عوام کو سستی اور معیاری اشیاء کی فراہمی کے ساتھ ساتھ یہاں پر تفریح کے مواقع بھی میسر ہوں گے کیوں کہ جھوک فرید کے ساتھ سر سید پارک بھی موجود ہے یہاں پر صبح و شام عوام کو بیٹھنے ،سیرو تفریح کے ساتھ ساتھ کھانے پینے کی اشیاء بھی صاف ستھرے ماحول میں فراہم ہوں گی۔ ڈپٹی کمشنر راجن پور ظہور حسین نے کہا ہے کہ یہاں پر آنے والے لوگوں کے لئے اشیاء کی کوالٹی بہتر ہونی چاہئے انہوں نے کہا کہ غیر معیاری اشیاء یا حفظان صحت کی خلاف ورزی پر معاہدہ منسوخ ہو گا اور قانونی کاروائی بھی عمل میں لائی جائے گی۔اس موقع پرڈی پی او حافظ عرفان اللہ مروت ،اے ڈی سی طارق نیازی ،ڈی ایم او راشد نعمت ،جی اے آر کامران بخاری،ڈپٹی ڈائریکٹر فنانس تعلیم راؤ عطاء اللہ،سی ای او ثناء اللہ سہرانی،پروفیسر نذیر سکھانی،ایس این اے عبدالرحمان لاکھا،اے ڈی ایل جی یعقوب شیروانی،ڈاکٹر افتخار بزدار،مسلم لیگی رہنماؤں میں سے جمیل خان بزدار، ندیم قریشی،جمن خان بزدار، چیئر مین میونسپل کمیٹی کوٹ مٹھن ملک حمزہ کمال ،علماء کرام ،معززین،وکلاء اور دیگرضلعی افسران بھی موجود تھے۔بعد ازاں جھوک فرید ،ضلعی اور ملکی ترقی کے لئے دعا کی گئی۔
