لیہ(صبح پا کستان )نئے سال کی آمد،فتح پور پولیس کی بڑی کاروائی،جدیدآلات سے استفادہ ،جرائم پیشہ عناصر قانون کے شکنجے میں،بین الاضلاعی موٹرسائیکل لفٹر ماجاگینگ سرغنہ سمیت گرفتار،ملزمان سے 9موٹرسائیکل سمیت 13لاکھ21ہزارروپے مالیت کا مال مسروقہ برآمد،موٹرسائیکل چوری کرنے کیلئے استعمال کی جانے والی ماسٹرKeyبھی پولیس قبضہ میں،اسلحہ ناجائزومنشیات کی بھی بھاری مقدار برآمد،ملزمان کوCCTVکیمرے کے فوٹیج کے ذریعے ٹریس آؤٹ کیاگیا ۔ایس ایچ او تھانہ فتح پور۔عوام کی جان ومال کی حفاظت کویقینی بنانے کیلئے تمام توانائیاں صرف کررہے ہیں۔ڈی پی او لیہ۔گینگ کوگرفتارکرنے اورمال مسروقہ برآمدکرنے پر ڈی پی او کی طرف سے پولیس افسران کو انعامات ،مقدمات کے مدعیوں میں موٹرسائیکل کی چابیاں تقسیم،قابل ستائش کارکردگی پر شہریوں کاضلعی پولیس کو بھرپور خراج تحسین۔تفصیلات کے مطابق ڈی پی او لیہ کیپٹن(ر)محمدعلی ضیاء نے گینگ کی گرفتاری کے حوالے سے گفتگوکرتے ہوئے بتلایاکہ گزشتہ کچھ عرصہ قبل لیہ کے مختلف علاقوں میں موٹرسائیکل چوری ہونے کی وارداتیں ہورہی تھیں جن کی روک تھام کیلئے پولیس نے گشت وپڑتال کے نظام کو مؤثر کرنے کے ساتھ ساتھ اہم مارکیٹوں ،شاہراہوں پر CCTVکیمرے تنصیب کروائے لیہ میں موٹرسائیکل چوری کی واردات کرتے ہوئے ملزمان کی فوٹیج CCTVکیمرہ میں محفوظ ہوگئی جس پر گینگ کی گرفتاری کیلئے ڈی ایس پی کروڑسرکل رمیض بخاری کی سربراہی میں ایس ایچ او فتح پوروسیم لغاری سمیت دیگرافسران پر مشتمل خصوصی ٹیم تشکیل دی ملزمان کی گرفتاری پولیس ٹیم کیلئے ایک چیلنج کی حیثیت رکھتی تھی پولیس کی ان تھک محنت کے بعد بالآخر موٹرسائیکل لفٹرگینگ کے تمام ارکان کو گرفتارکرلیاگیاہے موٹرسائیکل لفٹرگینگ ماجاگینگ کے نام سے مشہور تھا گینگ کا سرغنہ ماجدحسین عرف ماجاسرغنہ کابھائی ساجدحسین،عبدالرشیدکھنہ،محمداسماعیل،فیاض حسین پر مشتمل تھا جولیہ سمیت دیگراضلاع میں نہ صرف موٹرسائیکل چوری کرتے بلکہ موقع ملنے پر اسلحہ کے زورپر شہریوں کو قیمتی مال ومتاع سے محروم کردیتے ملزمان کے قبضہ سے 9موٹرسائیکل سمیت 13لاکھ21ہزار روپے مالیت کا مال مسروقہ برآمدہونے کے ساتھ ساتھ 2کلو430گرام چرس جبکہ 2عددپسٹل 30بور اسلحہ ناجائز بھی برآمدہواڈی پی او نے کہا کہ جدیدآلات سے استفادہ کے ذریعے پولیس نے بڑی کامیابی حاصل کی CCTVکیمرہ کی تنصیب کادائرہ کارمزیدوسیع کیاجارہاہے تمام ایس ایچ اوزکو اپنے اپنے علاقے کی اہم اہم مارکیٹوں میں CCTVکیمرے نصب کرنے کی ہدایت کی گئی ہے ایس ایچ او فتح پور وسیم لغاری نے گفتگوکرتے ہوئے کہا کہ ملزمان کے قبضہ سے موٹرسائیکل چوری کرنے کیلئے استعمال کی جانے والی ماسٹرKeyبھی برآمدکرلی گئی ہے شہریوں کو قیمتی مال ومتاع سے محروم کرنے والے عناصر کسی رعائت کے مستحق نہیں ملزمان کیخلاف تمام شہادتیں اکٹھی کرکے 40مقدمات میں چالان عدالت کیاجائے گا جبکہ ملزمان کیخلاف ملتان،مظفرگڑھ اور بھکر کے اضلاع میں 30سے زائدمقدمات درج ہیں ڈی پی او لیہ نے گینگ کو گرفتارکرنے اورمال مسروقہ برآمدکرنے پر ایس ایچ او فتح پور وسیم اکبر لغاری سب انسپکٹرنوشیرواں اے ایس آئی بشیراحمد اے ایس آئی محمدہاشم کانسٹیبلان ثناء اللہ، محمدجمیل کوتعریفی سرٹیفکیٹ ونقدانعامات دینے کے احکامات جاری کئے جبکہ ڈی پی او نے موٹرسائیکل مالکان (مدعیوں)میں موٹرسائیکل کی چابیاں بھی تقسیم کیں قابل ستائش کارکردگی پر شہریوں نے پولیس کوبھرپورخراج تحسین پیش کیا اور ہارپہنائے ۔
