ڈیرہ غازیخان(صبح پا کستان).حکومت پنجاب کی ہدایت پر ڈیرہ غازیخان کے ویٹرنری اسسٹنٹس کو مزید 11موٹرسائیکل فراہم کر د یئے گئے ہیں اس حوالے سے ضلعی محکمہ لائیو سٹاک کے دفتر میں تقریب منعقد ہوئی جس میں فیلڈ سٹاف کو موٹرسائیکل دیئے گئے . ایڈیشنل ڈائریکٹر لائیو سٹاک ڈاکٹر توصیف طاہر نے ویٹرنری اسسٹنٹس میں ہنڈا 125موٹرسائیکلوں کی چابیاں تقسیم کیں . اس موقع پر ڈپٹی ڈائریکٹر ڈاکٹر عاطف حسیب سمیت متعلقہ افسران موجود تھے .ڈاکٹر توصیف طاہر نے کہاکہ حکومت پنجاب کی ہدایت پر موٹر سائیکل تقسیم کرنے کا مقصد گھر گھر جا کر مویشی پال حضرات کو مفت علاج معالجہ کی سہولیات فراہم کرنا ہے . ایڈیشنل ڈائریکٹر توصیف طاہرنے بتایا کہ کسان پیکج کے تحت پنجاب بھر کی طرح ضلع ڈیر ہ غازیخان میں بھی مویشیوں کی مفت ویکسی نیشن اور مویشی پال حضرات کی رجسٹریشن کی جا رہی ہے .
