دائرہ دین پناہ۔ وزیر اعلی پنجاب کا دورہ دائرہ دین پناہ ۔ملک محمد اجمل ہنجرا کی وفات پر فاتحہ خوانی

دائرہ دین پناہ(صبح پا کستان).وزیر اعلی پنجاب محمد شہباز شریف ضلع مظفرگڑھ کے دورہ کے دوران صوبائی وزیر جیل خانہ جات ملک احمد یار ہنجرا کے گھر دائرہ دین پناہ گئے جہاں انہوں نے ملک احمد یار ہنجرا ، ضلعی وائس چیئرمین ملک غلام قاسم ہنجرا کے والد ممبر قومی اسمبلی ملک سلطان محمود ہنجرا ، سابق چیئرمین مظفرگڑھ ملک محمد افضل ہنجرا کے چھوٹے بھائی ملک محمد اجمل ہنجرا کی وفات پر فاتحہ خوانی کی اور اظہار تعزیت کیا. اس موقع پر صوبائی وزیر جیل خانہ جات ملک احمد یار ہنجرا ، ایم این اے ملک سلطان محمود ہنجرا سمیت دیگر عزیز و اقارب موجود تھے .
وزیر اعلی پنجاب محمد شہباز شریف ہیلی کاپٹر کے ذریعے تین بجکر 15منٹ پر دائرہ دین پناہ پہنچے اور 3بجکر 25منٹ پر ملک احمد یار ہنجرا کے گھر گئے اور ان کے والد کی وفات پر اظہار تعزیت کیا اس موقع پر سکیورٹی کے فول پروف انتظامات کیے گئے تھے .