کوٹ سلطان (صبح پاکستان) ملک بھر کی طرح کوٹ سلطان میں بھی جشن آزادی انتہائی ملی جوش و جذبہ کے ساتھ منایا گیا ،گیریژن سکول کی جانب سے ریلی کا انعقاد کیا گیا جس سے خطاب کرتے ہوئے مقررین محمد اسلم ملک ،پروفیسر سلیم ناصر ،سید عابد فاروقی اور دیگر نے نظریہ پاکستان پر روشنی ڈالی ، ٹی ایم اے سی او یونٹ کوٹ سلطان کی جانب سے منعقدہ جشن آزادی تقریب سے خطاب میں انچارج سی او یونٹ جام عبدالروف اور سپر وائزر میاں فیصل فرید نے پاکستان کی خاطر جان قربان کرنے والے شہداء کو خراج تحسین پیش کیا ۔دی آسٹرل سکول میں تقریب سے خطاب کرتے ہوئے عمرفاروق منجوٹھہ نے کہا کہ وطن عزیر کی آبیاری کے لیے ضروری ہے کہ ہم سب اپنے فرائض ایماندارانہ طریقے سے سر انجام دیں ،تقریبات میں ملک پاکستانی کی سلامتی اور امن کے لیے دعا بھی کی گئی۔
