لیہ نیوز

چوک اعظم (عمر شاکر سے )سبز منڈی فتح پور میں بھتہ خور مافیا کا راج ریاست کے اندر ریاست کا قانون مارکیٹ کمیٹی سرکاری آفیسرز مافیاء کے خلاف کاروائی سے گریزاں محمد صدیق آڑھتی کی اعلی حکام سے حساس اداروں کے ذریعہ خفیہ رپورٹ لیکر کاروائی کا مطالبہ تفصیل کے مطابق چوک اعظم کے نواحی گاؤں 250ٹی ڈی اے کے رہائشی محمد صدیق آرائیں نے گزشتہ روز ذرائع ابلاغ کے نمائندگان سے رابطہ کرتے ہوئے کہا کہ میرا سبزی منڈی فتح پور میں عرصہ دراز سے پنجاب کمیشن شاپ محمد سرور سے مشترکہ کاروبار تھا سات ماہ قبل میں نے اپنا کاروبار الگ کر لیا کرما ں والہ کمیشن شاپ کے نام سے الگ کاروبار شروع کیا کاروباری رنجش کی بنا پر محمد امین آڑھتی محمد رفیع آڑھتی محمد عمران آڑھتی محمد اصغر آڑھتی محمد عاشق آڑھتی عرفان حنیف آڑھتی بابر رفیق آڑھتی محمد عالم آڑھتی نے بغیر کسی قانون کے غیر سرکاری طور پر ڈیڑھ لاکھ روپے طلب کئے میرے انکار پر مجھے کاروبار بند کرنے سمیت سنگین نتائج کی دھمکیاں دیں جس بابت میں نے تھانہ فتح پور میں درخواست دی تو الزام علیہان نے کچھ عرصہ تنگ کرنا چھوڑ دیا مگر اب پھر دوبارہ سیاسی طور پر مضبوط ہونے کی بناء پر دوبارہ تنگ کرنا شروع کر دیا اور ڈیڑھ لاکھ بھتہ نہ دینے کی صورت میں آڑھت بند کرنے کا مطالبہ کرنے لگے تیرہ اگست 2020کو علی الصبح ساڑھے پانچ بجے الزام میں اپنی دکان پر موجود کہ درج بالا افراد میری دکان میں داخل ہو کر کہا کہ ڈیڑھ لاکھ روپے دو وگرنہ دکان سے باہر نکلو دکان پر موجود گاہگوں کے ساتھ بھی بد تمیزی کی اور انکو دکان سے بھگا دیا اور مجھے شدید تشدد کا نشانہ بنا یا اسی دوران موقع پاکر 15پر کال کی تو محمد عالم نے میرا موبائل مالیت تیس ہزار روپے جس میں سم نمبری 03457631388موجود تھی چھین لیا فتح پور پولیس موقع پر پہنچ گئی پولیس نے الزام علیہان کو مزید لڑائی جھگڑا کرنے سے منع کرتے ہوئے تھانہ آنے کا پابند کیا پولیس موجودگی میں بھی الزام علیہان مجھ پر تشدد کرتے رہے میرے شور واویلا پر کثیر تعداد میں منڈی میں موجود لوگ پہنچ گئے سی سی ٹی وی فوٹیج سے بھی سارے واقع کو دیکھا جا سکتا ہے فتح پور مارکیٹ کمیٹی ضلع لیہ کی واحد رجسٹرڈ مارکیٹ کمیٹی ہے مارکیٹ کمیٹی کے سیکرٹری نوید اولکھ بھی بااثر مافیاء کے سامنے بے بس ہے تھانہ فتح پور میں دوران انکوائری انکوائری آفیسر محمد طاہر نے با اثر الزام علیہان کے خلاف کاروائی کرنے کی بجائے سے میرا موبائل واپس کرادیاڈی ایس پی اعجاز بخاری بھی ملزمان کے خلاف کاروائی سے گریزاں ہیں جبکہ ہائیکورٹ کی ڈائریکشن پر ریاستی ادارے لیت ولعل سے کام لے رہے ہیں وزیر اعلی پنجاب آئی جی پنجاب آر پی او ڈیرہ غازیخان خفیہ اداروں کے ذریعہ رپورٹ لیکر بااثر بھتہ مافیاء اور انکے سرپرستوں کے خلاف کاروائی کریں ملزمان کے خلاف بھتہ مانگنے جان سے مار دینے کی دھمکیاں دیکر کاروبار بند کرانے اور موبائل چھیننے کی کاروائی کی جائے محمد صدیق آڑھتی نے مزید کہا مجھے یا میرے خاندان کو کچھ ہو گیا تو یہ ہی بااثر بھتہ مافیا ذمہ دار ہونگے محمد صدیق نے کہا کہ قبل ازیں بھی وزیر اعلی کمشنر ڈیرہ غازیخان ڈپٹی کمشر لیہ ڈی پی او لیہ سمیت ارباب اختیار کو درخواستیں ارسال کی مگر با اثر ملزمان کے خلاف مقامی انتظامیہ کاروائی کرنے سے گریزاں ہے بھتہ خور مافیامارکیٹ کمیٹی فتح پور کو عرصہ دراز سے ناکام کرنے کی شازشیں کر رہا ہے ایسے گروہ افراد کے خلاف کاروائی ریاستی اداروں کی رٹ قائم کرنے کے لئے بہت ضروری ہے