لاہور (مانیٹرننگ ڈیسک) وزیرجیل خانہ جات ملک احمد یارہنجرانے کیمپ جیل کا دورہ کیا۔ اس موقع پر آئی جی جیل خانہ جات میاں فاروق نذیراورکیمپ جیل کے سپرنٹندنٹ اسد وڑائچ بھی موجود تھے ۔وزیرجیل خانہ جات نے کیمپ جیل دورہ کے دوران قیدیوں کے لواحقین کے لیے بنائی گئی انتظارگاہ، ملاقات شیڈ ،بیرکس ،ہسپتال ،کچن اورسکول کا معانیہ بھی کیا۔
وزیرجیل خانہ جات ملک احمد یارہنجرانے انتظارگاہ میں قیدیوں کے لواحقین کی شکایات سنیں ، ملاقات شیڈ کا بھی دورہ کیا اورملاقات کے لیے آنے والے شہریوں سے بات چیت کی جبکہ جیل کے اندر تمام بیرکس، ہسپتال،کچن اورسکول کا بھی دورہ کیا۔
سٹی42 ٹی وی کے مطابق آئی جی جیل خانہ جات میاں فاروق نذیر کا کہنا تھا کہ اپنے تمام مسائل سے وزیرجیل کو آگاہ کریں گے اس موقع پر ملک احمد یار ہنجرا کا کہنا تھا کہ قیدیوں کو تمام تر ممکن سہولیات فراہم کریں گے علاوہ ازیں جیل کے انتظامات کو تسلی بخش قراردیا
