وزیراعلیٰ عثمان بزدار سے عاصم سلیم باجوہ کی ملاقات،پنجاب میں سی پیک پراجیکٹس پر کام کی رفتار تیز کرنے پر اتفاق

لاہور . وزیراعلیٰ عثمان بزدار سے چیئرمین سی پیک اتھارٹی عاصم سلیم باجوہ نے ملاقات کی، ملاقات میں پنجاب میں سی پیک پراجیکٹس پر کام کی رفتار تیز کرنے پر اتفاق کیاگیا،ملاقات میںفصلوں کی پیداوار میں اضافے کیلئے نئے بیج متعارف کرانے کی ضرورت پر زوردیا گیا۔

وزیراعلیٰ عثمان بزدار نے کہاکہ پنجاب میں سی پیک پراجیکٹس شفافیت اور تیز رفتاری کے ساتھ مکمل کئے جارہے ہیں ، اورنج لائن میٹرو ٹرین اگلے ماہ کے آخر تک چلانے کا ارادہ ہے ۔

چیئرمین سی پیک اتھارٹی عاصم سلیم باجوہ نے کہاکہ سی پیک منصوبہ پاکستان کیلئے ناگزیر اہمیت کا حامل ہے، سی پیک پراجیکٹس تیزی سے تکمیل کی طرف گامزن ہیں ، پنجاب میں سی پیک پراجیکٹس کی صورتحال پر پیشرفت اطمینان بخش ہے ۔