ملتان(صبح پا کستان)ہائی کورٹ بار ایسوسی ایشن ملتان کے سالانہ انتخابات کا شیڈول جاری کردیا گیا ہے،
جنرل سیکرٹری بار ملک سجاد حیدر میتلا کی جانب سے جاری کردہ شیڈول کے مطابق سالانہ انتخابات 26 فروری کو ہوں گے جس کے لئے 12 فروری کو کاغذات نامزدگی صبح 9 سے ایک بجے دن تک جمع ہوں گے اور فہرست شام 4 بجے آویزاں کی جائے گی،14 فروری کو کاغذات کی جانچ پڑتال ہوگی اور 15 فروری کو صبح 9 سے دوپہر ایک بجے اپیل برخلاف فیصلہ کاغذات نامزدگی ہوگی، 16 فروری کو دن ایک سے شام 4بجے تک فیصلوں کے خلاف اپیل پر سماعت ہوگی، 17 فروری کو شام 4 بجے امیدواروں کی حتمی فہرست آویزاں کی جائے گی، پولنگ کا عمل 26 فروری کی صبح 9 بجے سے شام 5بجے تک جاری رہے گا اور ایک بجے سے2بجے تک نماز و کھانے کا وقفہ ہوگا۔
