مظفر گڑھ ۔ پولیس ان ایکشن ، بین الصوبائی منشیات سمگلر گرفتار، ایک کروڑ سے زائد مالیت کی ہیروئن برامد

مظفرگڑھ {صبح پا کستان} تھانہ سٹی مظفرگڑھ کی بڑی کارروائی، بین الصوبائی منشیات سمگلر گرفتار، ایک کروڑ سے زائد مالیت کی ہیروئن برامد، ڈی پی او کا پولیس ٹیم کی بہترین کارروائی پر20 ہزار انعام اور تعریفی سند دینے کا اعلان

*تفصیل کے مطابق ڈی پی او ندیم عباس کی ہدایات پر منشیات فروشوں اور سمگلروں کے خلاف کارروائیاں ضلع بھر میں جاری ہیں، ڈی ایس پی سٹی عظمت اللہ خان گورمانی کی نگرانی میں ایس ایچ او تھانہ سٹی مظفرگڑھ ملک خرم ریاض کھر نے سب انسپکٹر نور خان، سب انسپکٹر بلال خان چانڈیہ اور سب انسپکٹر عبدالباسط اور پولیس ٹیم کے ہمراہ بڑی کارروائی کرتے ہوئے خیبر پختونخوا کے رہائشی منشیات سمگلر سلطان زیب کو تھرمل بائی سے گرفتار کرتے ہوئے اس کے قبضہ سے انٹر نیشنل کوالٹی کی 11 کلو 60 گرام ہیروئن برآمد کر لی، ہیروئن کی قیمت 1 کروڑ پانچ لاکھ روپے بتائی جا رہی ہے، ڈی پی او ندیم عباس نے پولیس ٹیم کی بہترین کارروائی پر شاباش دی اور ایس ڈی پی او کیلئے تعریفی لیٹر، ایس ایچ او کیلئے 20 ہزار نقد انعام اور پولیس ٹیم کیلئے تعریفی اسناد کا بھی اعلان کیا ہے، انعامات کی تقسیم اور ملازمین کی حوصلہ افزائی کیلئے ایک بہترین تقریب کا اہتمام بھی کیا جائیگا،