مظفرگڑھ .جنوبی پنجاب کے علاقے مظفر گڑھ میں چوہرے قتل کی لرزہ خیز واردات سامنے آئی ہے جہاں سفاک باپ نے 3کمسن بچیوں کو ان کی ماں سمیت تیز دھار آلے سے انتہائی بے دردی کے ساتھ قتل کر دیا ہے ،پولیس نے سنگدل قاتل کو آلہ قتل سمیت گرفتار کر لیا ہے۔
نجی ٹی وی کے مطابق مظفر گڑھ میں خاتون اور تین بیٹیوں کے قتل کی لرزہ خیز واردات ہوئی ہے، تھانہ سیت پور کے علاقے میں شوہر نے بیوی اور تین بیٹیوں کو موت کے گھاٹ اتار دیا،ملزم کو بیوی کے کردار پر شک تھا۔ملزم افضل نے اپنی بیوی عذرا اور تین بیٹیوں 4 سالہ تسکین، 3 سالہ مصباح اور10دن کی بچی گڑیا کو تیز دھار آلے سے قتل کیا، واردات کے بعد ملزم جائے واردات سے فرار ہوگیا۔اطلاع ملنے پر پولیس نے لاشیں تحویل میں لے کر پوسٹ مارٹم کیلیے ہسپتال منتقل کیں، پولیس نے قتل کا مقدمہ درج کرکے ملزم کو چھاپہ مار کر گرفتار کرتے ہوئے آلہ قتل بھی برآمد کرلیا گیا ہے۔پولیس کا کہنا ہے ملزم افضل نے شک کی بنیاد پر بیوی بچیوں کی جان لی اور چاروں کو تیز دھار آلے کی مدد سے قتل کیا۔
