لیہ ۔ پو لیس انسپکٹر مظہر حسین ریٹائرڈ ہو گئے ، اعزاز میں الوداعی تقریب

لیہ {صبح پا کستان} انسپکٹر مظہر حسین 36سال پولیس میں اپنی خدمات سر انجام دینے کے بعد سروس مکمل ہونے پر محکمہ پولیس سے رخصت ہو گئے ہیں ،دفتر پولیس میں ان کے اعزاز میں ایک ٹی پارٹی کا اہتمام کیا گیا ،جس میں سپریٹنڈنٹ رمضان کھیڑا، انسپکٹر لیگل منظور حسین ،سب انسپکٹر عظمت اللہ ،سب انسپکٹر محمد ندیم ،پی اے مہربان علی و دیگر افسران نے شرکت کی ،تقریب کے دوران رمضان کھیڑا و دیگر نے انہیں خراج تحسین پیش کرتے ہوئے کہا کہ سروس کے دوران انہیں بہت محنتی ،ایماندار اور خوش اخلاق پایا ،مظہر حسین کے محکمہ سے بھر پور محبتوں اور چاہتوں کے ساتھ رخصت کیا گیا ،مظہر حسین 1983میں بطور کانسٹیبل محکمہ پولیس میں بھرتی ہوئے ،1988میں ہیڈ کانسٹیبل ،1998میں اے ایس آئی ترقی یاب ہوئے جبکہ 2002سے 2018تک بطور سب انسپکٹر اپنے فرائض سر انجام دیے اور انسپکٹر کے عہد ہ پر ترقی پانے کے ایک سال بعد ریٹائر ہوئے ،اپنے کیرئیر کے دوران انہوں نے مختلف تھانہ جات ،پولیس دفاتر ،سپیشل برانچ کے علاوہ لاہور پولیس ٹریننگ سکول میں بھی اپنی خدمات سر انجام دیں ،انہوں نے عزت اور محبت کے ساتھ رخصت کرنے پر تمام دوست احباب کا شکریہ ادا کیا اور کہا کہ یہ حسین لمحے یاد گار بن کر عمر بھر میرے ساتھ رہیں گے ۔