لیہ ۔ سٹی تھانہ پولیس کی کاروائی ،شراب اورمنشیات برآمد ،تین ملزم گرفتار

لیہ ( صبح پا کستان ) سٹی تھانہ پولیس کی کاروائی ،شراب اورمنشیات برآمد ،تین ملزم گرفتار ،مقدمات کا اندراج ،جرائم کو کنٹرول کرنے کیلئے موئثر کاروائیاں کی جا رہی ہیں ،معاشرے کو منشیات سے پاک کرنے میں شہری پولیس سے تعاون کریں ،تفصیلات کے مطابق ایس ایچ او سٹی سب انسپکٹر عدنان شہزاد کی قیادت میں سٹی تھانہ پولیس کی جرائم پیشہ عناصر کی خلاف کاروائیاں جاری ہیں ،اے ایس آئی سجاد بشیراور اے ایس آئی نذیر احمد نے پولیس ٹیم کے ہمراہ ریڈ کرکے اکبر اور فیاض کے قبضہ سے 33کپیاں شراب برآمد کرکے ملزمان کو گرفتار کر لیا ،جبکہ ایک اور کاروائی میں اے ایس آئی سجاد بشیر نے بد نام زمانہ منشیا ت فروش محمد اشرف کے قبضہ سے 1140گرام چرس برآمد کرکے ملزم کو گرفتار کر لیا ،ملزمان کے خلاف مقدمات بل ترتیب 440/18,441/18,444/18تھانہ سٹی میں درج کر لیے گئے ،اس موقع پر ایس ایچ او سٹی سب انسپکٹر عدنان شہزاد نے گفتگو کرتے ہوئے کہاکہ جرائم کو کنٹرول کرنے کیلئے پولیس کی طرف سے موئثر کاروائیاں کی جا رہی ہیں ،معاشرے کو منشیات سے پاک کرنے کا عزم ہے شہری اس ضمن میں پولیس کے ساتھ تعاون کریں ۔