لیہ ۔خواتین پنک گالاکا افتتاح 25فروری کو دن 11بجے کیاجائے گا۔ ڈپٹی کمشنرامیرا بیدار

لیہ۔( صبح پا کستان ) ڈپٹی کمشنرامیرا بیدار کی زیرصدارت پنک گالاکے حوالے سے اجلاس منعقدہوا۔اجلاس میں ایڈیشنل ڈپٹی کمشنر جنرل شبیراحمدڈوگرومتعلقہ افسران موجودتھے۔ڈپٹی کمشنرنے اجلاس سے خطا ب کرتے ہوئے کہاکہ پنک گالاکو بہترین سے بہترین بنایاجائے کہ وہ لیہ کی ماوں ،بہنوں ،بیٹیوں کومدتوں یادرہے ہیں۔انہوںنے کہاکہ پنک گالامیں خواتین کو کھیل اور تفریحی سرگرمیاں دینے کے لیے میلہ جیساماحول بنایاجائے ۔ڈپٹی کمشنر نے کہاکہ تمام متعلقہ محکمے ٹیم ورک سے پنک گالاکو کامیاب بنائیں۔اجلاس میں ڈسٹرکٹ سپورٹس آفیسرامتیاز احمدبھٹی نے بریفنگ دیتے ہوئے بتایاکہ پنک گالاکے انعقاد کے لیے تمام تیاریاں مکمل کرلی گئیں ہیں پنک گالامیں کھیلوں کے مقابلے ، ہمہ قسمی سٹالز،مشاعرہ ،موسیقی،تفریحی مقابلے،کوکنگ ودیگرسرگرمیاں کی جائیں گی جبکہ پنک گالاکا افتتاح 25فروری کو دن 11بجے کیاجائے گا۔