راولپنڈی (مانیٹرننگ ڈیسک ) آرمی چیف جنرل قمر جاوید باجوہ نے آپریشن ضرب عضب میں افسروں کی قربانیوں اور قائدانہ کردار کو قابل فخر قرار دیتے ہوئے کہا ہے کہ پاک فوج قومی سلامتی کیلئے اپنا کردار ادا کرتی رہے گی۔
پاک فوج کے تعلقات عامہ کے ادارے (آئی ایس پی آر) سے جاری بیان کے مطابق آرمی چیف جنرل قمر جاوید باجوہ نے جی ایچ کیو میں راولپن گیریژن کے افسران سے خطاب کرتے ہوئے سیکیورٹی چیلنجز اور پیشہ ورانہ امور پر اظہار خیال کیا اور کہا کہ آپریشن ضرب عضب میں افسروں کی قربانیاں اور قائدانہ کردار قابل فخر ہے۔
انہوں نے ادارے کی مضبوطی کے حوالے سے بھی افسران کے کردار کو سراہا اور کہا کہ موجودہ حالات میں مسلح افواج بھرپور کردار ادا کر رہی ہے اور قومی سلامتی کیلئے پاک فوج اپنا کردار ادا کرتی رہے گی۔
source
http://dailypakistan.com.pk/national/27-Dec-2016/499550
