جنوبی پنجاب

لیہ( صبح پا کستان )ڈپٹی کمشنر ذیشان جاوید نے کہا ہے کہ پاکستان کا قیام ایسی جغرافیائی حقیقت ہے جس کے ذریعے مسلمانوں کو مذہبی آزادی نصیب ہوئی جس کی بدولت آج ہم آزاد فضاءو ں میں اپنا 72واں یوم آزادی منارہے ہیں آئیں آج عہد کریں کہ جس طرح ہم آزادی سے اپنی تقریبات منارہے ہیں اسی طرح کشمیر کی آزادی تک کشمیری بھائیوں کے ساتھ یکجہتی کے ذریعے دنیاکی توجہ انہیں آزاد مملکت دلانے تک اپنی جدوجہدجاری رکھیں گے کیونکہ آج نہ صرف ہم اپنا یوم آزادی منارہے ہیں بلکہ کشمیریوں کے ساتھ اظہار یکجہتی کا دن بھی منایا جارہاہے ۔ یہ بات انہوں نے یوم آزادی کے موقع پر ڈی پی ایس گرلز ونگ میں 72ویں یوم آزادی کی تقریب سے خطاب کرتے ہوئے کہی ۔ رنگارنگ تقریب میں بچوں نے خوب صورت ملی نغمے ،خاکے،ٹیبلو،مارچ پاسٹ اور تقاریر کیں جن میں کشمیریوں کی جدوجہد آزادی کے جذبے کو بھی سراہاگیا ۔ ڈپٹی کمشنر ذیشان نے خطاب کرتے ہوے کہا کہ پاکستانی قوم اپنی محبت شاقہ کے ذریعے قوموں میں صف اول کی قوم بن سکتے ہیں اور آج کے ننھے بچوں کی آنکھوں میں یہ چمک دکھائی دے رہی ہے جو ہمارے روشن مستقبل کی دلیل ہے جو اس بات کا غماز ہے کہ آئندہ نسل کو اس بات کا بخوبی ادارک ہے کہ کشمیرکی آزادی تک وہ ہرگز چین سے نہیں بیٹھے گی ۔ ڈسٹرکٹ پولیس آفیسر عثمان اعجاز باجوہ نے خطاب کرتے ہوے کہا کہ بچے ہمارا مستقبل ہیں اور تیز ترترقی کے لیے شرح خواندگی میں اضافہ وقت کی اہم ضرورت ہے ۔ تقریب سے خطاب کرتے ہوے معاون خصوصی وزیر اعلی پنجاب سید رفاقت علی گیلانی نے کہا کہ آج کا دن نفرتوں کا بیج دلوں سے نکال کر محبتوں کے پیغام کادن ہے جس کے ذریعے قوم ترقی کی منازل آسانی سے طے کرسکتی ہے ۔ صوبائی پارلیمانی سیکرٹری سردار شہاب الدین نے خطاب کرتے ہوے کہا کہ یو م آزادی کا اہم دن کشمیریوں کے ساتھ اظہار یکجہتی کے طور پر منانے کا مقصد نوجوان نسل کو یاد دلانا ہے کہ کشمیرکی آزادی تک پاکستانی قوم چین سے نہیں بیٹھے گی ۔ ایم این اے ملک نیاز احمدجکھڑ نے کہا کہ وزیراعظم پاکستان عمران خان نے ملکی تاریخ میں پہلی بار دنیا کی توجہ کشمیریوں پر ڈھاے جانے والے مظالم اور یواین او کی قراردادوں کے مطابق انہیں آزادی دلانے کی جانب مبذول کروائی ہے کیونکہ قائد اعظم کاخواب بھی یہی تھا آج کے دن بائیس کروڑ پاکستانی عوام کشمیریوں سے اظہار یکجہتی کے ذریعے یہ پیغام دے رہے ہیں کہ ہم ان کے ساتھ ہیں ۔ بعدازاں یوم آزادی و یکجہتی کشمیرکے انتظامات کے لیے بنائی گئی کور کمیٹی جس میں ڈپٹی کمشنر ذیشان جاوید،ڈی پی او عثمان اعجا ز باجوہ،ایم این اے ملک نیاز احمدجکھڑ،معاو ن خصوصی وزیر اعلی پنجاب سید رفاقت علی گیلانی،صوبائی پارلیمانی سیکرٹری شہاب الدین ،اے سی لیہ کاشف نواز، ڈی ایم ا و فیاض علی جتالہ نے بیسٹ پرفارمر اور بورڈ میں نمایاں پوزیشن ہولڈ رطلبہ وطالبات جن میں عنایت اللہ،مبشرنظامی،ماریہ و ساتھی،تصورحسین ،مصور حسین ،احمددُرِرحمان،مہدیہ رضوی ،مریم خضر،مصفحی احمد،عاصم اعجاز ،طیبہ احمد،ہانیہ ذوالفقار ،ایمن سجاد ،اوصاف احمد،محمدسفیان ،وردہ رفیق ،عبیرہ عباس،طوبی مریم،وجیہ زینب،ثناء یاسمین،میمونہ مریم،شاہد علی شاہ میں شیلڈز ونقدانعامات تقسیم کیے ۔ ڈپٹی کمشنر ذیشا ن جاو ید نے بہترین انتظامات پر تمام سٹیک ہولڈرز کی کارکردگی کو سراہا ۔ تقریب میں ملک عثمان اولکھ،صدر انجمن تاجران ملک مظفر اقبال دھول،سرکاری افسران،اساتذہ کرام،وکلاء،ذراءع ابلاغ کے نمائندوں ،طلبہ کی کثیر تعداد اور والدین نے شرکت کی ۔ قبل ازیں پولیس اور ریسکیو1122کے چاق و چوبند دستے نے سلامی پیش کی ۔ مہمان خصوصی ومہمانان اعزاز نے پرچم کشائی کی ۔ پولیس بینڈ کی دھن پر قومی ترانہ پیش کیاگیا ۔ تقریب کے آ غاز پرآٹھ بج کر 58منٹ پر سائرن بجایاگیا اور نوبجے پرچم کشائی کی گئی ۔ قومی پرچم کے ساتھ کشمیری پرچم بھی لہرایاگیا اور قومی ترانہ پڑھاگیا ۔ تقریب میں طلبہ وطالبات نے خاکے،ٹیبلو،ملی نغمے اور تقاریرکیں جبکہ مقررین نے یوم آزادی اور یکجہتی کشمیر کے موضو ع پر خطاب کیا ۔ شہر کو قومی پرچموں اور کشمیر کے پرچم سے سجاگیاتھا ۔ ٹی ڈے اے چوک میں چراغاں کیاگیا ۔ اسی طرح کی تقریبات چوک اعظم،فتح پور ،کروڑ لعل عیسن اور چوبارہ میں منعقدہوئیں اس موقع پر ڈپٹی کمشنر ذیشان جاوید اور معاون خصوصی وزیراعلی پنجاب رفاقت علی گیلانی نے ڈی ایچ کیو ہسپتال سی سی یو وارڈ کا دو رہ کیا اور زیر علاج مریضوں سے خیریت دریافت کی اوران میں مٹھائی تقسیم کی ۔ اس موقع پر سی ای او صحت ڈاکٹر امیرعبداللہ سامٹیہ اور ایم ایس ڈاکٹر عتیق الرحمان ان کے ہمراہ تھے ۔ یوم آزادی کے موقع پر ڈپٹی کمشنر ذیشان جاوید،ڈی پی او عثمان اعجاز باجوہ ،ممبران اسمبلی رفاقت علی گیلانی،شہاب الدین سیہڑ،ملک نیاز احمدجکھڑنے ڈی پی ایس گرلز ونگ پلانٹ فار پاکستان مہم کے تحت پودے لگائے ۔ اس موقع پر ڈویژنل فاریسٹ آفیسر طارق محمود سنانواں ،افسران ،اساتذہ اور طلبہ کی بڑی تعداد موجود تھی ۔