لیہ نیوز

جمن شاہ(صبح پا کستان)موسم گرما کی تعطیلات کے بعدلیہ میں بھی سر کاری و نجی تعلیمی ادارے کھل گئے مگر سکولوں کی گرجانے والی چاردیواریوں کے باعث اساتذہ اور طلبا ت کو مشکلات کا سامنا کرنا پڑا۔ پنجاب بھر کی لیہ میں بھی تین ماہ کی تعطیلات کے بعد آج نجی و سرکاری تعلیمی ادارے کھل گئے۔لیہ کے متعدد سرکاری تعلیمی اداروں کی چاردیواریاں گرجانے کے باعث اساتذہ ، طلبات کو مشکلات کا سامنا کرنا پڑ رہا ہے۔صوبائی وزیر برائے قدرتی آفات مہر اعجازاچلانہ کے گھر کے ساتھ واقع گورنمنٹ گرلز پرائمر ی سکول 161ٹی ڈی اے کی چاردیواری مکمل طور پر گر چکی ہے ۔ چاردیواری گرنے سے جہاں خواتین اساتذہ اور طالبات کو مشکلات کا سامنا ہے وہیں پردے اور سیکورٹی کے مسائل بھی پیدا ہو رہے ہیں۔گورنمنٹ گرلز پرائمر ی سکول حاجی محمد کی گرنے والے چاردیواری بھی تعمیر نہ کی جاسکی ۔سکولوں کی چاردیواریاں گرنے پر خواتین اساتذہ شدید مشکلا ت کا شکار ہیں۔اساتذہ کا کہنا تھا کہ متعدد بارمحکمہ تعلیم کو گرنے والی چاردیواریوں بارے آگاہ کیا مگر تاحال کوئی توجہ نہ دی گئی۔ طالبات کا کہنا تھا کہ چاردیوایاں گرنے سے وہ خوف میں مبتلا ہیں اور سیکورٹی مسائل پر ان کو والدین سکول بھی نہیں آنے دیتے ۔ اساتذہ اور طالبات نے ڈپٹی کمشنر واجد علی شاہ، محکمہ تعلیم کے افسران سے چاردیواریاں فوری تعمیر کرنے کا مطالبہ کیا ہے۔