First Page

منشیات فروشوں کے خلاف کریک ڈاؤن ،بین الصوبائی منشیات فروش گرفتار کو ٹ سلطان (صبح پا کستان)تھانہ کوٹ سلطان کے اہلکاروں کی بروقت کارروائی ۔لاہور کے رہائشی بین الصوبائی منشیات فروش گرفتار ۔تھانہ کو ٹ سلطان کے ایس ایچ او شاہد رضوان نے ذرائع ابلاغ کے نمائندوں کو تفصیلات بتاتے ہوئے کہا کہ تھانہ کوٹ سلطان کی حدود میں واقع پہاڑ پور چیک پوسٹ پر اہلکاروں کی معمول کی ڈیوٹی کے دوران مشکوک کار کی تلاشی لی گئی تو 21بوتل ولائتی شراب اور 1150گرام چرس برآمد ہوئی ۔کار میں سوار بین الصوبائی منشیات فروش شرافت مشتاق ولد مشتاق مسیح اور ساجد پطرس ولد پطرس مسیح لاہور کے رہائشی ہیں اور پنجاب بھر کے طول وعرض میں ولائتی شراب اور چرس سپلائی کرنے کا مکروہ دھندہ کرتے ہیں ملزمان کے زیر استعمال کار 861قبضہ میں لے کر زیر دفعات 33/479اور 34/479مقدمات درج کر کے تحقیقات شروع کر دی گئی ہیں ۔انہوں نے کہا  تھانہ کوٹ سلطان میں تعینات ہوتے ہی منشیات فروشوں کے خلاف کریک ڈاؤن کرنے کا عزم کیا ہوا ہے ۔موجودہ کارروائی بھی اسی سلسلہ کی ایک کڑی ہے منشیات فروشوں کا قلع قمع کرنا میری زندگی کا مشن ہے آخری منشیات فروش کے خاتمے تک میری جدوجہد جاری رہے گی ۔

رپورٹ ۔ ملک فہیم منجوٹھہ پریس رپورٹر