First Page

لیہ( صبح پا کستان )پاک چین دوستی کے 75 برس، وفا، اعتماد اور لازوال رفاقت کی روشن داستان کے طور پر ڈی سی کمپلیکس لیہ میں یادگار تقریب کا انعقاد کیا گیا جہاں محبت و اخوت کے رنگ بکھر گئے۔تقریب میں ڈپٹی کمشنر آصف علی ڈوگر، ڈی پی او حسن علی بھٹی،اسسٹنٹ کمشنر تحصیل کروڑ اصغر علی چیمہ،ڈی ایس پی عمران خورشید،ڈی ڈی کالجز ذوالفقار حیدری،ڈپٹی ڈائیریکٹر انفارمیشن نثار احمد خان،اسسٹنٹ ڈائریکٹر ماحولیات محمد ارشد چغتائی،ڈسٹرکٹ سپورٹس آفیسر امتیاز احمد بھٹی،انچارج سیکیورٹی برانچ اسماعیل میرانی،میڈیا نمائندگان ودیگر موجود تھے ۔تقریب کے دوران پاکستان اور چین کے پرچم فضا میں بلند کیے گئے اور دوستی کی عظمت کو سلام پیش کیا گیا جبکہ پولیس کے چاک و چوبند دستے کی شاندار پریڈ نے تقریب کا حسن دوبالا کر دیا اور پاک چین دوستی زندہ باد کے فلک شگاف نعرے لگائے گئے۔ڈپٹی کمشنر آصف علی ڈوگر نے اس موقع پر کہا کہ پاک چین دوستی سمندر سے زیادہ گہری اور کوہِ ہمالیہ سے بلند تر ہے پاکستان اور چین کی دوستی باہمی اعتماد، اخلاص اور ترقی کے سفر کی روشن مثال ہے۔ انہوں نے کہا کہ دونوں ممالک نے ہر مشکل گھڑی میں ایک دوسرے کا بھرپور ساتھ دیا جبکہ پاک چین تعلقات نئی نسل کے لیے امن، ترقی اور خوشحالی کا پیغام ہیں۔ڈپٹی کمشنر نے کہا کہ پاکستان اور چین کی دوستی وقت کے ساتھ مزید مضبوط اور مستحکم ہو رہی ہے چین نے ہمیشہ پاکستان کی معاشی و سفارتی سطح پر بھرپور حمایت کی۔ انہوں نے کہا کہ پاک چین دوستی دونوں ممالک کے عوام کے دلوں میں بسنے والا مضبوط رشتہ ہے۔ڈی پی او حسن علی بھٹی نے کہا کہ پاک چین دوستی خطے کے امن اور معاشی استحکام کے لیے نہایت اہم ہے پاکستان اور چین کے عوام کے درمیان محبت اور بھائی چارے کا رشتہ مزید مضبوط ہو رہا ہے جبکہ پاک چین دوستی دنیا کے لیے مثالی سفارتی تعلقات کی بہترین مثال ہے دونوں ممالک کے درمیان تعاون علاقائی استحکام کے لیے نہایت اہمیت کا حامل ہے جبکہ پاک چین دوستی آنے والی نسلوں کے لیے اتحاد اور یکجہتی کی روشن مثال ہے۔تقریب کے آخر میں پاک چین دوستی کی 75ویں سالگرہ کا کیک بھی کاٹا گیا۔