یوم دفاع 6 ستمبر کے حوالے سے گورنمنٹ گریجویٹ کالج لیہ میں تقریب کا انعقاد

لیہ،( صبح پاکستان )یوم دفاع 6 ستمبر کے حوالے سے گورنمنٹ گریجویٹ کالج لیہ میں تقریب منعقد ہوئی۔ تقریب میں صدر شعبہ اردوپروفیسرڈاکٹرریاض راہی، پروفیسرڈاکٹرجراَت عباس اعوان،پروفیسرزڈاکٹرطاہرمسعود مہار،ڈاکٹرامین اللہ قاضی موجودتھے۔ تقریب کا باقاعدہ آغازتلاوت و نعت سے کیاگیا۔اس موقع پرصدر شعبہ اردوپروفیسرڈاکٹرریاض راہی نے کہاکہ 6 ستمبر دراصل ہماری تاریخ کا وہ سنہری دن ہے جو ہمیں وطنِ عزیز کے دفاع اور اس کی بقا کے لیے شہداء اور غازیوں کی عظیم قربانیوں کی یاد دلاتا ہے۔ انہوں نے کہا کہ پاک فوج اور پوری قوم نے مل کر یہ ثابت کیا کہ ہم ایک زندہ قوم ہیں اور اپنی آزادی و خودمختاری پر کوئی سمجھوتہ نہیں کریں گے۔پروفیسرزڈاکٹرطاہرمسعود مہارنے کہاکہ چھ ستمبر یوم تجدید وفا کا دن ہے جب ہماری بہادر افواج نے وطن عزیز کے دفاع کے لئے اپنی جانوں کا نذرانہ پیش کیا پوری قوم شہداء اور غازیوں کی قربانیوں کی مقروض ہے اور یہ عہد کرتی ہے کہ وطن کے دفاع کے لئے کسی قربانی سے دریغ نہیں کرے گی۔ڈاکٹر جرات عباس نے کہاکہ 6 ستمبر دراصل ہماری تاریخ کا وہ سنہری دن ہے جو ہمیں وطنِ عزیز کے دفاع اور اس کی بقا کے لیے شہداء اور غازیوں کی عظیم قربانیوں کی یاد دلاتا ہے۔ انہوں نے کہا کہ پاک فوج اور پوری قوم نے مل کر یہ ثابت کیا کہ ہم ایک زندہ قوم ہیں اور اپنی آزادی و خودمختاری پر کوئی سمجھوتہ نہیں کریں گے۔ڈاکٹرامین اللہ قاضی نے کہاکہ نئی نسل کو چاہیے کہ وہ یومِ دفاع کے حقیقی جذبے کو اپناتے ہوئے تعلیم، محنت اور اتحاد کے ذریعے ملک کو مضبوط اور خوشحال بنائےانہوں نے شہداء کو خراجِ عقیدت پیش کرتے ہوئے کہا کہ انہی کی قربانیوں کی بدولت آج ہم آزاد فضاؤں میں سانس لے رہے ہیں۔ تقریب کی میزبانی کے فرائض شعبہ اردو کے مہرمدثر تھندنے انجام دیے۔تقریب میں بسمہ رانی،علیزہ ماہ نور،افشاں ملک نے یوم دفاع کے موضوع پر تقاریر، ملی نغمے پیش کئے۔