Tag: layyah news

جناب میاں محمد نواز شریف سابق وزیر اعظم پاکستان , قائد مسلم لیگ ن عنوان ٫ خصوصی درخواست بابت لیہ تونسہ پل جناب عالی .. آپ بار ہا لیّہ تشریف لاے مگر میں آپ کو لیّہ کا پہلا دورہ جو آپ نے بحثیت وزیر عالی پنجاب کیا یاد دلانا چاہتا ہوں مجھے آپ کا وہ دورہ اس لئے بھی یاد ہے کہ کوٹلہ حاجی شاہ کے گراونڈمیں جن بچوں نے آپ کو سلامی پیش کی تھی ان میں میرا بیٹا بھی شامل تھا اس وقت اس کی عمر 14/15 سال تھی اس وقت اس کا بیٹا 15/16 سال کا ہے . کہ سکتے کہ نصف صدی کا قصہ ہے دو چار برس کی بات نہیں. آپ کا یہ دورہ لیّہ والوں کو اس لئے بھی نہیں بھولتا کہ آپ نے اپنے اس دورے میں لیّہ تونسہ پل میگا پراجیکٹ کا اعلان کیا تھا ..آپ نے اس میگا پراجیکٹ کے اعلان سے لیّہ تونسہ والوں کے دیرینہ خواب کے تعبیر کا وعدہ کیا تھا ..دریائے سندھ پر واقع "لیّہ تونسہ پل" جنوبی پنجاب کے پسماندہ اضلاع کی تقدیر بدلنے کا ایک عظیم میگا پراجیکٹ ہے ۔ جناب عالی ,ایک بار پھر آپ وزیر اعظم نواز شریف لیّہ تشریف لاے اور اس میگا پراجیکٹ کی تعمیر کے آغاز کاافتتاح کیا ، بلاشبہ آپ کی طرف سے دیا گیا یہ میگا پراجیکٹ صرف لیہ تونسہ وسیب کی عوام کے لیے نہیں بلکہ جنوبی پنجاب کی تعمیرو ترقی کے لیے ایک عظیم منصوبہ ہے جو آپ کی طرف سے ان پسماندہ اضلاع کی عوام کے روشن مستقبل کے لیے دیا گیا ہے ۔ جناب عالی ۔ اس وقت صورت حال یہ ہے کہ لیہ تونسہ پل کا بنیادی ڈھانچہ مکمل ہونے کے باوجود، دونوں اطراف کی اپروچ روڈز اور حفاظتی بند (Guide Banks) کا کام فنڈز کی عدم دستیابی کے باعث التوا کا شکار ہے، جس کی وجہ سے اربوں روپے کی لاگت سے بننے والا یہ پل مکمل طور پر فعال نہیں ہو پار ہا . جنابِ والا! آپ کے زیر قیادت مسلم لیگ ن کی حکومت وفاق میں بر سر اقتدار ہے وزیر اعظم شہباز شریف ترقیاتی کاموں میں شہباز سپیڈ کا اعزاز رکھتے ہیں ، بحیثیت قائد آپ کی توجہ لیہ تونسہ پل کے اپروچ روڈ کو مکمل کرا کے اس میگا پراجیکٹ کو عوام کے لیے فعال کر سکتی ہے ,لیّہ اور تونسہ شریف کے عوام آپ سے پرزور اپیل کرتے ہیں کہ وفاقی حکومت آئندہ وفاقی بجٹ (PSDP) میں اس منصوبے کی باقی ماندہ کڑی (اپروچ روڈز) کے لیے خصوصی فنڈز مختص کرے ۔ تاکہ یہ منصوبہ مکمل اور فعال ہو سکے ۔ جناب عالی ۔ ہم پر امید ہیں کہ آپ لیہ تونسہ پل کی اپروچ روڈ کی تعمیر کے لیے حالیہ بجٹ میں فنڈز کے اجرا اور اس میگا پراجیکٹ کو فعال کر انے میں لیہ , تونسہ کے عوام کو آواز بنیں گے تاکہ عظیم منصوبہ مکمل اور فعال ہو اور لیہ تونسہ خطے کے غریب عوام کو سفری اور معاشی ریلیف مل سکے ۔۔۔ شکریہ منجانب ، عام آدمی ۔۔۔۔انجم صحرائی لیہ