Tag: layyah news

لیہ(صبح پا کستان )ایس ایس ای ،اے ای اوزریگولرئزیشن موومنٹ پنجاب کے زیر اہتمام ضلع لیہ کے سینکڑوں ایس ایس ای،اے ای اوز کو مستقل نہ کرنے پر ڈسٹرکٹ پریس کلب کے باہر احتجاجی مظاہرہ،مطالبات تسلیم نہ ہوئے تو بنی گالہ کے باہر احتجاجی دھرنا دینے کا اعلان، گذشتہ روز ایس ایس ای ،اے ای اوزریگولرئزیشن موومنٹ پنجاب کے زیر اہتمام ضلع لیہ کے عہدیدران لیاقت علی ،محمد سہیل جوتہ،مدثر حسین ،اللہ بخش،رب نواز ،فاقیہ اسلم ،عامر فہد،وقار الحسن نے احتجاجی مظاہرین سے خطاب کرتے ہوئے کہا کہ 2014ء سے محکمہ تعلیم میں اپنی خدمات سرانجام دے رہے ہیں لیکن حکومت پنجاب محکمہ تعلیم ہ میں مستقل نہیں کررہی جس کی وجہ سے تمام نوجوان اساتذہ ،اے ای اوز و دیگر اپنی تعلیمی سرگرمیوں کو بہتر انداز میں پر فارم نہیں کررہے انہوں نے کہا کہ جب ہ میں بھرتی کیا گیا تو این ٹی ایس کے امتحان پاس کرنے کے بعد ہ میں نوکری کے آرڈرز دے دیئے گئے،ہماری سلیکشن ضلعی سطح پر ہوئی جس کا میرٹ ضلع کے لیول پر بنایا گیا دیئے آرڈرز میں کسی قسم کا پبلک سروس کمشن کے امتحان کو پاس کرنے کی شق نہیں رکھی گئی ،2012ء میں بھرتی کئے جانے والے اے ای اوزو ایس ایس ایز کو بغیر کسی پبلک سروس کمشن کے امتحان کے مستقل کردیا گیا ہماری بھرتی 2014ء میں سابقہ پالیسی کے تحت کی گئی ہماری موجودہ حکومت نے اپنی نئی پالیسی 2018ء میں مرتب کرتے ہوئے ایس ایس ای ،اے ای اوز کو مستقل بنیاد پر آرڈرز جاری کرنے کیلئے پنجاب پبلک سروس کمشن کے تحت دوبارہ امتحان دینے کی تلوار لٹکا دی جس کی وجہ سے 7سال سے محکمہ تعلیم میں اپنی خدمات سرانجام دینے والے ضلع لیہ کے سینکڑوں نوجوان ایس ایس ای مردو خواتین ٹیچرز،اے ای اوز کو بے روز گار کرنے کی تلوار لٹکا دی گئی ہے،انہوں نے کہا کہ ہمارے آرڈرز میں ایسی کسی قسم کی کوئی شق شامل نہ کی گئی تھی جس کی بنیاد پر ہ میں ایک مرتبہ پھر پنجاب سروس کمیشن کا امتحان دینے کا حکم دیا جارہا ہے،انہوں نے وزیر اعظم پاکستان عمران خان،وزیر اعلیٰ پنجاب سردار عثمان بزدار سے مطالبہ کرتے ہیں کہ انہوں نے اپنی ابتدائی پالیسی میں اعلان کیا تھا کہ تحریک انصاف کی حکومت 1کروڑ نوکریاں دینے کا کہا تھا جبکہ پالیسی کو تبدیل کرتے ہوئے اب ہم نوجوانوں سے روز گار چھیننے کا بندوبست کیا جارہا ہے ہمارا مطالبہ ہے کہ پی پی ایس سی کے امتحان کی تلوار کو فوری طور پر ختم کرکے ہمارے مستقل بنیادوں پر آرڈرز نکالے جائیں ،ہماری بھرتی ضلع لیول پر ہوئی جبکہ پی پی ایس سی صوبائی سطح کا ادارہ ہے اس پالیسی پر حکومت نظر ثانی کرے اگر ایسا نہ کیا گیا تو پنجاب بھر کے ایس ایس ای ،اے ای اوز اپنے مطالبات کی منظوری کیلئے بنی گالا کے باہر اس وقت تک احتجاجی دھرنا دیا جائے گا جب تک ہمارے مستقل کئے جانے والے آرڈرز جاری نہیں کئے جائیں گے ، ،احتجاج میں ضلع بھر کے سینکڑوں مرد و خواتین اساتذہ نے شرکت کی جنہوں نے ہاتھوں میں پلے کارڈ اٹھائے ہوئے ا ور حکومتی ملازمین کش پالیسی پر نعرہ بازی کرتے رہے ۔