لیہ۔مقامی شوگر ملز کا کرشنگ سیزن شروع

لیہ(صبح پا کستان)ڈپٹی کمشنر اظفر ضیاء نے مقامی شوگر ملز کے کرشنگ سیزن کا افتتاح کر دیا۔اے ڈی سی جی اشفاق حسین سیال، اسسٹنٹ کمشنر نیاز احمد مغل اور جی ایم شوگرملز بھی اس موقع پر موجود تھے۔ڈپٹی کمشنر نے اس موقع پر گفتگو کرتے ہوئے کہا کہ شوگر ملز کاشتکاروں کے لئے کسی نعمت سے کم نہیں اور حکومت پنجاب کے احکامات کی روشنی میں ان کو گنے کا پورا نرخ دیا جائے گا جس کے لئے مناسب لائحہ عمل مرتب کیا گیا ہے۔انہوں نے کہا کہ تما ادائیگیاں بنک کے ذریعہ ہوں گی اور غیر قانونی کنڈوں اور مڈل مین کی حوصلہ شکنی کی جائے گی۔ڈپٹی کمشنر نے کہا کہ منظم ٹریفک پلان ترتیب دیاجائے تاکہ کسی بھی قسم کی بدنظمی سے بچاجاسکے۔انہوں نے مزید کہا ضلعی افسران مانیٹرنگ کا عمل جاری رکھیں تاکہ کرشنگ سیزن میں کاشتکار کسی قسم کی زحمت سے محفوظ رہیں۔