کالم

کراچی (ماسٹر نیوز) معروف نوجوان لکھاری، ٹرینر اور ماسٹر ٹی وی کے سی ای او، ایاز مورس کی پہلی کتاب ”زندہ لوگ“ شائع ہو گئی ہے۔ اطلاعات کے مطابق ابتدائی طور پر کراچی، حیدرآباد، ملتان، لیہ اور ان کے آبائی گاؤں چک نمبر 270، لوریتو میں تقریباتِ رونمائی اور تعارفی نشستوں کا انعقاد کیا جائے گا۔ ان تقریبات میں علمی، ادبی، سماجی اور مذہبی شخصیات سمیت نوجوانوں کی بڑی تعداد کی شرکت متوقع ہے۔ کتاب ”زندہ لوگ“ دیدہ زیب ٹائٹل، معیاری کاغذ اور دو سو صفحات پر مشتمل ہے، جس میں 32 سچی اور متاثرکن کہانیاں شامل ہیں۔ کتاب میں رنگین تصاویر، معروف لکھاریوں کی آراء اور حقیقی زندگی سے جڑی جدوجہد و کامیابی کی داستانیں شامل ہیں، جو قارئین کو مثبت سوچ اور عملی زندگی کی طرف راغب کرتی ہیں۔ مزید تفصیلات کے مطابق ماسٹر ٹی وی کے سی ای او، ایاز مورس نے اپنی ایک سوشل میڈیا پوسٹ میں اس خوشی کا اظہار کیا، جس پر دُنیا بھر سے معروف صحافتی حلقوں، لکھاریوں، قارئین، دوستوں اور عزیزوں نے انہیں بھرپور مبارکباد پیش کی۔ ایاز مورس نے اس موقع پر اپنے تمام قارئین، ساتھیوں، خاندان، دوستوں اور ناشر کا خصوصی شکریہ ادا کیا، جن کی محبت، تعاون اور حوصلہ افزائی کی بدولت اس کتاب کی اشاعت ممکن ہو سکی۔ واضح رہے کہ کتاب ”زندہ لوگ“ رواں پبلشرز، کراچی کے زیرِ اہتمام شائع کی گئی ہے۔ ادبی حلقوں نے اس کتاب کو ایک مثبت اور حوصلہ افزا اضافہ قرار دیا ہے جو حقیقی زندگی کی کہانیوں کے ذریعے معاشرے میں اُمید، سماجی و مذہبی ہم آہنگی اور شعور کو فروغ دیتی ہے۔ ادبی حلقوں نے ایاز مورس کی ادبی خدمات کو سراہتے ہوئے کہا کہ نوجوان نسل کے لیے ایسی تحریریں نہایت اہم ہیں جو اُمید، حوصلہ اور حقیقت پر مبنی تجربات کو سامنے لائیں۔ انہوں نے کہا کہ ادب معاشرے میں مثبت تبدیلی لانے کا مؤثر ذریعہ ہے۔ اُمید ہے کہ یہ کتاب قارئین کے لیے مشعلِ راہ ثابت ہوگی۔ کتاب کی قیمیت بارہ سو روپے ہے، کتاب مصنف کے دستخط کے ساتھ، آن لائن آرڈ اور ہوم ڈلیوری کی سروس کے ساتھ ملک بھر میں دسیتاب ہوگئی ہے۔