جنوبی پنجاب

لیہ (صبح پا کستان) فتح پور کے قریب سکول وین حادثہ میں جاں بحق افراد اور بچوں کی نمازہ جناز ہ چک نمبر 218 ٹی ڈی اے میں ادا کی گئی ۔نمازہ جنازہ میں صوبائی وزیر ڈیزاسٹر مینجمنٹ مہر اعجاز احمد اچلانہ ،ایم این اے صاحبزاد ہ فیض الحسن سواگ ،اے ڈی سی نعیم اللہ بھٹی، چیئرمین ضلع کونسل ملک عمر علی اولکھ،وائس چیئرمین ضلع کونسل مہر نور محبوب میلوانہ،اے سی کروڑ محمد تنویریزداں،چیئرمین ایم سی فتح پور،سابق ایم پی اے چوہدری الطاف حسین ،وکلاء ،ذرائع ابلاغ کے نمائندگان اور اہل علاقہ کی کثیر تعداد نے شرکت کی ۔نمازہ جنازہ کے موقع پر رقت آمیز مناظر دیکھنے کو ملے۔ جس سے علاقہ کی فضاء مزید سوگوار ہوگئی۔صوبائی وزیر نے اس موقع پر لواحقین سے گہرئے دکھ درد اور افسوس کا اظہار کرتے کہا وہ وزیر اعلی پنجاب شہباز شریف کی خصوصی ہدایت پر لاہور سے لیہ پہنچے ہیں ۔انہوں نے کہا کہ وزیراعلی نے اس المناک حادثے میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے اور زخمی ہونے والے طلبہ کے مکمل صحت یاب ہونے تک مفت علاج معالجے اور سفری سہولیات فراہم کرنے کی ہدایت کی ہے ۔انہوں نے کہا کہ وہ دکھ کی اس گھڑی میں سوگوار خاندانوں کو تنہا نہیں چھوڑیں گے اور ان کی ہر سطح پر مد دا ور اعانت کی جاے گی۔

فتح پور سکول وین حادثے کی تحقیقات کے لیے پانچ رکنی کمیٹی تشکیل ڈپٹی کمشنرواجد علی شاہ نے فتح پور کے قریب سکول وین حادثے کی تحقیقات کے لیے پانچ رکنی کمیٹی تشکیل دے دی ہے ۔ایڈیشنل ڈپٹی کمشنر جنرل کمیٹی کے کنوئنیرجبکہ سیکرٹری ڈسٹرکٹ ریجنل ٹرانسپورٹ اتھارٹی سیکرٹری ہوں گے۔کمیٹی کے دیگر ممبران میں چیف ایگزیکٹو آفیسر ڈسٹرکٹ ہیلتھ اتھارٹی ،اسسٹنٹ کمشنر کروڑ ،ڈی ایس پی کروڑ شامل ہوں گے۔کمیٹی حادثے کی وجوہات ،ڈسٹرکٹ ہیلتھ اتھارٹی اور ریسکیو1122کی طرف سے ڈی ایچ کیو ،ٹی ایچ کیواور نشتر ہسپتال ملتان منتقل کیے گئے زخمیوں کو دی جانے والی سہولیات کاجائزہ ،ٹریفک سٹاف اور ڈسٹرکٹ ریجنل ٹرانسپورٹ اتھارٹی کی طرف سے لوڈ لیمٹ کے قانون پر عملداری کے سلسلہ میں سفارشات مرتب کرے گی۔کمیٹی اپنی رپورٹ 48گھنٹے کے اندر مکمل کرے گی۔اسی طرح ڈپٹی کمشنر لیہ نے ایک اور حکم نامے کے تحت نشتر ہسپتال ملتان بھیجے گئے زخمیوں کے مفت علاج معالجہ اور سفر ی سہولیات کو یقینی بنانے کے لیے چیف ایگزیکٹو آفیسر ہیلتھ لیہ اور میڈیکل آفیسر بی ایچ یو 218ٹی ڈی اے ڈاکٹر محمد اشرف پر مشتمل کمیٹی تشکیل دی ہے ۔جبکہ ڈی ایچ کیوہسپتال لیہ میں زیرعلاج زخمیوں کومفت علاج معالجہ اورسفری سہولیات کی فراہمی کویقینی بنانے کے لئے ڈسٹرکٹ مانیٹرنگ آفیسراورڈپٹی میڈیکل سپرنٹنڈنٹ لیہ پرمشتمل کمیٹی جبکہ ٹراماسینٹرفتح پورمیں حادثہ کے زیرعلاج زخمیوں کوعلاج معالجہ اورسفری سہولیات کی بلامعاوضہ فراہمی کی نگرانی کے لئے اے ڈی سی ریونیونعیم اللہ بھٹی ،اسسٹنٹ کمشنرکروڑاورڈپٹی ایم ایس ٹی ایچ کیوفتح پورڈاکٹرمحمداعظم پرمشتمل کمیٹی قائم کی گئی ہے۔