جنوبی پنجاب

لیہ(صبح پا کستان)دیور کے ہاتھوں ستائی خاتون شوہر ،دو بچوں سمیت داد رسی کیلئے ڈسٹرکٹ پریس کلب پہنچ گئی چیف جسٹس آف پاکستان،وزیر اعلیٰ پنجاب،ڈی پی او لیہ سے انصاف کی اپیل،لیہ شہر بستی شاہنواز کی رہائشی خاتون زیبدہ بی بی اپنے شوہر سید نادر حسین شاہ،13سالہ بیٹے میثم اقبال،10سالہ مناہل اقبال کے ہمراہ ڈسٹرکٹ پریس کلب میں آکر انصاف کی اپیل کرتے ہوئے کہا کہ خاوند معذور شخص ہے میرے خاوند کا حقیقی بھائی سید گلزار احمد شاہ ہماری وراثتی زرعی و سکنی زمین پر قابض ہونا چاہتا ہے جس کی وجہ سے وہ آئے روز اپنے اوباش ساتھیوں کے ہمراہ نشہ میں دھت ہو کر مجھے اور میرے چھوٹے بچوں کو ہراساں کرتا رہتا ہے اور ہمیں جان سے مارنے کی دھمکیاں بھی دیتا ہے مجھے زدوکوب کرنے پر تھانہ سٹی لیہ میں انداراج مقدمہ بھی ہوا گذشتہ روز میرا دیور سید گلزار احمد شاہ نشہ میں دھت ہو کر کپڑے اتار کر ہمارے گھر کی دیوار پر چڑھ گیا اور ہمیں دھمکانے لگا تھانہ سٹی لیہ میں اس واقعہ کی رپورٹ کی جہان پر تفتیشی آفیسر خوشی محمد نے انتہائی ہتک آمیز رویہ اپناتے ہوئے دادرسی نہیں کی میرے دیور گلزار حسین کے خوف کی وجہ سے میری بیٹی اور بیٹا جو کہ پانچویں اور ساتویں جماعت میں زیر تعلیم ہیں سکول جانے سے گھبراتے ہیں سید نادر حسین شاہ نے کہا کہ میرا بھائی طاقتور ہے اور اسلحہ ہمیشہ اپنے پاس رکھتا ہے جس کے خوف سے کی وجہ سے ہمارا گھر سے نکلنا محال ہے میاں بیوی زبیدہ بی بی ،سید نادر حسین شاہ نے چیف جسٹس آف پاکستان،وزیر اعلیٰ پنجاب ،دی پی او لیہ سے مطالبہ کیا کہ ہماری ایف آئی آر درج کرکے ہمارے ملزم کو گرفتار کرایا جائے۔