جنوبی پنجاب

فتح پور(صبح پا کستان)فتح پور میں تجاوزات مافیا چھاگیا۔انتظامیہ اہلکار مال بنانے میں مصروفایم ایم روڈ کروڑ روڈ پر ریڑھی بان کا قبضہ۔ بازار صابر بازار غازی بازار ودیگر مراکز پر نا جائز تجاوزات کے انبار ۔عملہ کاروائی کی بجائے بھتہ وصولی تک محدود۔ڈی سی لیہ فوری آپریشن کروائیں۔عوامی وسماجی حلقوں کا مطالبہ۔تفصیل کے مطابق فتح پورشہر میں تجاوزات مافیہ نے اپنا قبضہ کیا ہوا ہے اور ایم ایم روڈ۔ سروس روڈ۔ کروڑ روڈ۔ پر ریڑھی بان مالکان کا قبضہ ہے جس کی وجہ سے عوام کی آمدورفت میں شید مشکلات کا سامنا ہے۔جبکہ مین بازار ۔صابر بازار۔غازی بازار و دیگر مراکز میں نا جائز تجاوزات کے انبار لگے ہوئے ہیں اور میونسپل انتظامیہ کے اہلکار تجاوزات مافیہ کیخلاف کاروائی کرنے کی بجائے مال پانی بنانے میں مصروف رہتے ہیں۔شہر کے سروس روڈ کو سبزی فروٹ مافیا نے اپنی ملکیت بنا کر اسی پر قبضہ کیا ہوا ہے۔اور شہر کے منفرد بازاروں میں دوکانداروں نے کئی کئی فٹ کے تھڑے تعمیر کرکے اس پر ناجائز تجاوزات قائم کر رکھی ہیں۔بلکہ موتی بازار۔صابر بازار۔مسلم بازار میں دوکانوں کے باہر اضافی غیر قانونی کیبن تعمیر کرکے کرایہ پر دے رکھے ہیں اور ہزاروں روپے کرایہ وصول کر رہے ہیں میونسپل انتظامیہ نے علم ہونے کے باوجود چشم پوشی اختیار کر رکھی ہے جس پر شہر کے عوامی و سماجی حلقوں نے ڈپٹی کمشنر لیہ سے فوری طور ناجائز تجاوزات کیخلاف آپریشن کرنے اور تجاوزات مافیا کا قبضہ ختم کرنے کا پرزور مطالبہ کیا ہے۔