لیہ.انچارج خدمت مرکز صائمہ بتول کی ضلع کے تھانہ جات کے محرران اور فرنٹ ڈیسک آفیسر ان کے ساتھ میٹنگ

لیہ{ صبح پا کستا ن }ڈی پی او لیہ رانا طاہر رحمان خان کی ہدایت پرانچارج خدمت مرکز لیہ صائمہ بتول نے ضلع کے تمام تھانہ جات کے محرران اور فرنٹ ڈیسک آفیسر ان سے ایک میٹنگ کا انعقاد کیا ، جس میں صائمہ بتول نے متعلقہ سٹاف کو ہدایات کرتے ہوئے کہا کہ خدمت مرکز پر آنے والے شہریوں کے لئے ایس او پی کے مطابق کیریکٹر سر ٹیفکیٹ اورپولیس ویر یفیکیشن سے مو تعلق سروسز کے معیار کو بہتر کیا جائے ، شہریوں کے ساتھ عمدہ اخلاق کو یقینی بناتے ہوئے انہیں خوش آمدید کہیں اور انہیں سہولیات کی فراہمی گھر کی دہلیز پر بذریعہ ڈاک فراہم کریں ،صائمہ بتو ل نے گفتگو کرتے ہوئے کہا کہ شہریوں کو کریکٹر سر ٹیفکیٹ اور پولیس ویری فیکیشن کےلئے پہلی بار اپنے اصل شناختی کارڈ کے ہمراہ خدمت مرکز پر آنا ہو گا اس کے بعد ان کو پولیس تھانہ یا کہیں اور جانے کی ضرور ت نہیں ہے ،تمام پراسیس مکمل ہونے کے بعد انہیں یہ سہولت گھر پر فراہم کی جائے گی،انہوں نے متعلقہ افسران کو یہ پراسیس جلد سے جلد مکمل کرنے کی ہدایت کی۔