لیہ(صبح پا کستان)تاجر رہنما کونسلر میونسپل کمیٹی اظہر خان ہانس نے کہا کہ الیکشن انجمن تاجران کیلئے دوستوں کی مشاورت سے گروپ تشکیل دیا جارہا ہے جو تاجروں کی بھلائی و مسائل کیلئے اپنے منشور کے تحت میدان میں اتریں گے انہوں نے کہا کہ اس وقت لیہ کے تاجر بہت مسائل و پریشانی میں گھرے ہوئے ہیں موجودہ عہدیداران انجمن تاجران تاجروں کے حقیقی نمائندے ثابت نہیں ہوئے ہیں سابقہ انجمن تاجران کے عہدیداران صرف ذاتی مفادات کو ترجیح دیتے تھے،موجودہ عہدیداران میں اہلیت نہیں ہے کہ وہ تاجروں کے مسائل کو جرآت مندی سے حل کراسکیں،انہوں نے کہا کہ شہر بھر کے تاجر دوستوں کے ساتھ مشاورت شروع کردی ہے کہ آئندہ ہونے والے انجمن تاجران کیلئے حقیقی اور بے لوث عہدیداران کو میدان میں اتارا جائے جو صرف تاجر برادری کے مفادات کو پیش نظر رکھ کر اپنے کام کا آغاز کریں،تاجر برادری کا پلیٹ فارم صرف تاجروں کی بہتری کے لئے ہی استعمال کیا جائے۔
