لیہ نیوز

لیہ(صبح پا کستان) پیرجگی میں لڑکی سے اجتماعی زیادتی ، ویڈیو بنا کر بلیک میل کرنے کا انکشاف، ملزمان نے ویڈیو سوشل میڈیا پر ڈال دی، کارروائی کرنے پر لڑکی اور معذور باپ کو قتل کی دھمکیاں، لڑکی ، والدین نے وزیر اعلی پنجاب سے نوٹس لینے کا مطالبہ کرتے ہوئے درندوں کے خلاف سخت کارروائی کا مطالبہ کر دیا۔ پیر جگی شرقی کے رہائشی غلام سرور نے بیوی ، متاثرہ بیس سالہ بیٹی کے ہمراہ میڈیا سے گفتگو کرتے ہوئے کہا کہ میری بیٹی کو علاقہ کے جاگیرداروں نے زبردستی اغوا کرنے کے بعد اجتماعی زیادتی کا نشانہ بنا ڈالا، متاثرہ لڑکی نے بتایا کہ درندوں نے اجتماعی زیادتی کی بعد ویڈیو بنا کر سوشل میڈیا پر ڈال دی ، لڑکی کا کہناتھا کہ ملزمان ویڈیو بنانے کے بعد اسے بلیک میل کرتے رہے ، والدین نے روتے ہوئے بتایا کہ درندوں نے ہماری عزت تارتار کر دی ، ملزمان بااثر ہیں اور کارروائی کرنے پر قتل کی دھمکیاں دے رہے ہیں ، انہوں نے کہاکہ تھانہ پیر جگی پولیس نے ویڈیو برآمد کرنے کے باوجود ملزمان سے بھاری رشوت اور ملزمان کے بااثر ہونے پر مقدمہ میں دفعات زیادتی کی کوشش کی ڈال کر ہمارے ساتھ بے انصافی کی ہے، انہوں نے ڈی پی او کیپٹن(ر)محمد علی ضیا ء ، وزیر اعلی پنجاب میاں شہبا ز شریف سے نوٹس لینے کا مطالبہ کیا ہے، انہوں نے کہاکہ اگر ہمیں انصاف نہ فراہم کیا گیا تو ہم اجتماعی خود کشیوں پر مجبور ہوں گے، تھانہ پیرجگی پولیس نے دو ملزمان کو گرفتار کر لیا۔