لیہ ۔ وزیر اعظم میاں نواز شریف ایم این اے پیر ثقلین بخاری کی دعوت پر لیہ کا دورہ کریں گے ، لیہ دورہ کے موقع پر وزیر اعظم لیہ تونسہ پل پراجیکٹ کے افتتاح کے علاوہ دیگر میگا پراجیکٹ کا اعلان بھی کریں گے ۔سید ثقلین شاہ بخاری ممبر قو می اسمبلی

لیہ (صبح پا کستان ) اسلام آ باد میں ہو نے والے مسلم لیگ ن کے پارلیمانی اجلاس کے موقع پر ایم این اے سید ثقلین شاہ بخاری نے وزیر اعظم میاں محمد نواز شریف سے ملاقات کی ۔ اسلام آباد سے صبح پا کستان سے گفتگو کرتے ہو ئے سید ثقلین شاہ بخاری ممبر قو می اسمبلی نے ملاقات کی تفصیل بتا ئی انہوں نے کہا کہ ان کی وزیر اعظم سے ملاقات خاصی مفید رہی اور علاقائی تعمیرو ترقی اور میگا پراجیکٹ پر تفصیلی بات چیت ہوئی ۔ ممبر قو می اسمبلی کا کہنا تحا کہ انہوں نے وزیر اعظم کو دورہ لیہ کی دعوت دی جس پر وزیر اعظم نے ان کی دعوت قبول کرتے ہو ئے کہا کہ وہ بہت جلد لیہ کا دورہ کریں گے ۔
ممبر قومی اسمبلی سید ثقلین شاہ بخاری نے بتایا کہ وزیر اعظم لیہ دورہ کے دوران نہ صرف لیہ تو نسہ پل جیسے میگا پراجیکٹ کا افتتاح کریں گے بلکہ علاقا ئی تعمیرو ترقی کے حوالے سے مزید میگا پراجیکٹ کا اعلان بھی کریں گے