لیہ ۔ایم این اے سید ثقلین شاہ کی عوام دوست پالیسیوں سے سیاسی مخالفین بوکھلا گئے ہیں۔حاجی اظہر ہانس کو نسلر

لیہ( صبح پا کستان )پاکستان مسلم لیگ ن کے رہنما سٹی کونسلر حاجی محمد اظہر خان ہانس نے ایک بیان میں رکن قومی اسمبلی پیر سید ثقلین شاہ بخاری اور چیئرمین میونسپل کمیٹی لیہ حافظ جمیل احمد خان کے خلاف چلائی گئی کردار کشی مہم کو گہری سازش قرار دیا ہے اور کہا کہ دونوں شخصیات پر کرپشن کے لگائے گئے الزامات غلط اور جھوٹے ہیں اور ایم این اے سید ثقلین شاہ کی عوام دوست پالیسیوں سے سیاسی مخالفین بوکھلا گئے ہیں اور آئندہ انتخابات میں انہیں سیاست سے آؤٹ کرنے کا خواب دیکھنے والے احمق ہیں ۔حاجی اظہر ہانس نے مزید کہا کہ چیئرمین میونسپل کمیٹی حافظ جمیل احمد خان ایک نیک سیرت اور فرض شناس شخصیت ہیں ۔ان کا سابقہ دور بطور تحصیل نائب ناظم لیہ سنہری دور تھا اور اب بھی انہوں نے جب سے اپنے عہدہ کا چارج سنبھالا ہے شہریوں کی فلاح وبہبود صفائی کے علاوہ بنیادی سہولیات کی فراہمی کیلئے بھر پور اقدامات کر رہے ہیں ۔