لیہ نیوز

لیہ (صبح پا کستان)محکمہ انٹی کرپشن کی بھرپور کارروائی۔رشوت میں لیے گئے 50ہزار روپے موقع پر ہی برآمد کر کے ایڈجسٹمنٹ کلرک صدیق کاہلوں کو گرفتار کرکے جیل بجھوا دیا گیا ۔یہ کارروائی مجسٹریٹ حافظ کاشف لیاقت و سرکل آفیسر انٹی کرپشن ظفر اقبال چانڈیہ کی سربراہی میں چھاپہ مارٹیم کے ساتھ عمل میں لائی گئی ۔تفصیل کے مطابق عبدالعزیز ولد کالوساکن چک نمبر 170ٹی ڈی اے نے سرکل آفیسر انٹی کرپشن کو آگاہ کیاکہ میرا چک نمبر 426بی ڈی ٹی اے میں خرید کردہ رقبہ کا انتقال خارج ہونے پر ایڈجسٹمنٹ برانچ سے رجو ع کیا تو صدیق کاہلوں نے 7لاکھ روپے دینے پر انتقال بحال کراد دینے کی یقین دہانی کروائی جس پر میں نے 5لاکھ روپے صدیق کاہلوں کواور 2لاکھ روپے وسیم اقبال صحرائی کو دیے لیکن انہوں نے حسب وعدہ ڈپٹی کمشنر سے صحت انتقال کروا کے نہ دیااور پھر اے سی آر سے صحت انتقال کرا دینے کے لیے مزید 3لاکھ روپے طلب کیے۔ اس پر سرکل آفیسر نے ریڈنگ پارٹی تشکیل دی جن میں مجسٹریٹ حافظ کاشف لیاقت ،سرکل آفیسر ظفر اقبال چانڈیہ ،اے ایس آئی عبدالحمید ،فیاض حسین سمرا و قدیر احمد جکھڑ شامل ہیں نے مدعی عبدالعزیز کے ہمراہ ڈوگر ہوٹل چوک اعظم پہنچے جہاں صدیق کاہلوں نے آکر رقم دینے کی پیش کش کی تھی اور یہاں صدیق کاہلوں سے نشان زدہ نوٹوں پر مشتمل 50ہزارروپے کی رقم وصول کر لی ۔چھاپہ مارٹیم نے صدیق کاہلوں سے 50ہزار روپے برآمد کرکے مقدمہ نمبر 16/17درج کرکے جیل بجھوا کے تفتیش شروع کردی۔