لیہ(صبح پا کستان)وائس چیئرمین میونسپل کمیٹی سید گلزار حسین شاہ نے محرم الحرام کے موقع پر بہتر میونسپل سروسز کی فراہمی کے لیے لیہ شہر میں جلوسوں کے روٹس کا چیف آفیسر میونسل کمیٹی اللہ نواز گشکوری،کونسلر افضال احمد خان کے ہمراہ معائنہ کیا،اس موقع پر انہوں نے کہا کہ میونسپل کمیٹی لیہ پر امن محرم الحرام کے انعقاد کیلئے کوشاں ہے اور جلوسوں کے روٹس پر صفائی لائٹنگ کا مناسب بندوبست کررہی ہے،اس موقع پر جلوس روٹس پر آنے والی مساجد اور امام بارگاہوں کے منتظمین سے بھی ملاقاتیں کیں اور ان سے ان علاقوں کی میونسپل سروسز کی فراہمی بارے معلومات اور تجاویز لیں اور چیف آفیسر کو ان تجاویز پر عملدرامد کیلئے حکم دیا۔
