لیہ (صبح پا کستان)صوبائی وزیر ڈیزاسٹر مینجمنٹ مہر اعجازاحمد اچلانہ نے ڈی ایچ کیو ہسپتال لیہ کااچانک دورہ۔انہوں نے اس موقع پر مختلف وارڈز میں داخل مریضوں کی عیادت کی اور فراہم کردہ طبی سہولیا ت کے بارے میں معلومات حاصل کی۔جس پر مریضوں اور ان کے تیمارداروں نے اطمینان کا اظہا ر کیا ۔میڈیکل سپرنٹینڈنٹ ڈاکٹر بشیراحمد سمرا نے صوبائی وزیر کو بریفنگ کے دوران بتایا کہ ہسپتال میں یوم عاشور کے موقع پر طبی سہولیات کی فراہمی کے لیے منظم ڈیوٹی روسٹرترتیب دے کر 24گھنٹے ہسپتال میں سٹاف ،ڈاکٹرزکی موجودگی اور تمام ضروری طبی سہولیات کی فراہمی کو یقینی بنایا جائے گا اور تمام اقسام کی ادویات و افر مقدار میں مہیاکردی گئی ہیں ۔بعدازاں صوبائی وزیر نے زیر تعمیر پی سی آر لیب ،چلڈرن وارڈ و پرانی بلڈنگ میں زیر تعمیر منصوبے کا معائنہ کیا اور کام کی رفتار کا جائز ہ لیا ۔ا س موقع پر چیئرمین یونین کونسل سرشتہ تھل مہر ریاض علی میلوانہ ،وائس چیئرمین مہر سعید میلوانہ بھی ہمراہ تھے۔
