لیہ نیوز

لیہ(صبح پا کستان)صوبائی نائب امیرجماعت اسلامی پنجاب چوہدری اصغر علی گوجر نے ہنگامی پریس کانفرنس سے خطاب کرتے ہوئے کہا پنجاب فوڈ اتھارٹی کے نمائندوں نے ضلع بھر میں خوف وہراس کابازازا گرم کررکھا ہے کسی کو کوئی پتہ نہیں انکے اختیار کیا ہیں اور ان کو کون کنٹرول کررہا ہے انہوں نے کہا کہ یہ فوڈ اتھارٹی کے اہلکار چھوٹے دکانداروں کے خلاف بے دریغ کاروائیوں کی بجائے ان فیکٹری مالکان کے خلاف کاروائی کریں جو مضر صحت اشیاء پیدا کرکے مارکیٹ میں پھیلاتے ہیں اور ناجائز طریقہ سے دولت کماتے ہیں انہوں نے کہا فوڈ اتھارٹی کے اہلکار وں نے چھوٹے دکانداروں پر عرصہ حیات تنگ کردیا ہے جرمانے اور دست درازیاں کی جا رہی ہیں اور لاہور کی پیشیاں ڈال کردکانداروں کے مصائب میں اضافہ کردیا گیا ہے ہم معاشرہ میں اور مارکیٹوں کے اندر مضر صحت اشیاء کی کھلے عام فروخت کی سخت مخالفت کرتے ہیں اور ان کے خلاف قانونی کاروائی کے حق میں ہیں مگر جس طرح سے فوڈ اتھارٹی نے یہاں ادھم مچا دیا ہے اس نے ساری کاروائی کو سخت مشکوک اور ناقابل قبول بنا دیا ہے صورتحال کا المناک پہلو یہ ہے کہ اس تمام تر زیادتی والے عمل میں مقامی پولیس فوڈ اتھارٹی کے اہلکاروں کے اشارے پر دھڑا دھڑ کاروائیاں کررہی ہے انہوں نے کہا کہ کچھ افراد کو بیک وقت عدالت اور کوتوال کے اختیارات ایک ساتھ نہیں دیئے جا سکتے اگر من مانیاں ختم نہ ہوئیں اور فوڈ اتھارٹی کے اہکاروں کی غنڈہ گردی جاری رہی تو لوگوں کی طرف سے کسی قسم کا رد عمل بھی سامنے آسکتا ہے ہم مطالبہ کرتے ہیں پنجاب فوڈ اتھارٹی کے اہلکاروں کو کسی ضابطہ اخلاق کا پابند بنایا جائے اور ضابطہ اخلاق کی تیاری عوام اور تاجروں کے نمائندوں کو شامل کرکے بنائی جائے انہوں نے پریس کانفرنس میں ڈی سی لیہ،دی پی او لیہ سے مطالبہ کرتے ہوئے کہا کہ صورتحال کا جائزہ لیں وہ ضلع لیہ کی صورتحال کے ذمہ دار ہیں انہیں خبر ہونا چاہیئے کہ لاہور سے آئے ہوئے کسی محکمہ کے اہلکار شہر میں جو کچھ کررہے ہیں وہ کس اختیار اور کس قانون کے تحت کررہے ہیں انہوں نے زور دیکر کہا کہ ضلع کے ذمہ دار افسران فوڈ اتھارٹی کے اہلکاروں اور عوام کے نمائندوں اور تاجروں کو ایک ساتھ بتھا کرضابطہ اخلاق مرتب کریں اور وہ اس امر کو یقینی بنائیں کہ فوڈ اتھارٹی کے اہلکار کوئی غیر اخلاقی اور غیر قانونی کاروائی نہ کریں اور چھوٹے دکانداریا بڑے دکاندار بھی مضر صحت اور ناقص اشیاء اپنی دکان پر فروخت نہ کریں اس موقع پر امیر ضلع جماعت اسلامی چوہدری منور حسین،جنرل سیکرٹری احسان اللہ محسن ،شیخ جاوید اختر،ضلع صدر الخدمت رضوان احمد خان،تاجر تنظیموں کے نمائندوں اور عوام کے ہر طبقہ فکر کی کثیر تعداد موجود تھی۔