لیہ نیوز

لیہ(صبح پا کستان)دفاع پاکستان کونسل ضلع لیہ کے زیر اہتمام ڈسٹرکٹ پریس کلب کے باہر قبلہ اول کو اسرائیلی دارلحکومت بنانے کے ٹرمپ کے بیان پر احتجاج کیا گیا احتجاجی مظاہرین سے ضلعی امیر جماعت الدعواۃ مولانا عبدالمنان وضلعی صدر جمعیت الحدیث مولانا زبیر شاہین نے خطاب کرتے ہوئے کہا کہ ٹرمپ عالمی غنڈہ کا کردار ادا کررہا ہے ،امریکہ کی طرف سے قبلہ اول کو اسرائیلی دارالحکومت قرار دینے کی بھر پور مذمت کرتے ہیں اگر امریکہ یا اسرائیل نے ایسی جرآت کی تو وہ بھیانگ خمیازہ بھگتنے کیلئے تیار رہے،مسلمان اپنے قبلہ اول بیت المقدس کی حفاظت اپنی جانوں کا نذرانہ دیکر کریں گے،انہوں نے کہا کہ امریکہ کا جو یار ہے وہ غدار ہے کا نعرہ پوری دنیا میں پھیلا کر اسلام کا بول بالا کردیا جائے گا،امریکہ کی عوام سن لے کہ امریکی صدر ٹرمپ امریکہ کو تباہ کرنے کی پالیسی پر گامزن ہے ٹرمپ کی پالیسیاں اسلام دشمن ہیں جن کے آگے پوری دنیا کے مسلمان سیسہ پلائی دیوار بن جائیں گے،احتجاج میں ممبر ضلعی امن کمیٹی طلحہ زبیر ،صوبائی نائب صدر پیرا میڈیکس محمد ایوب انصاری،ڈاکٹر سرور ندیم،حافظ عدنان و دیگر نے خصوصی شرکت کی،احتجاج میں اسرائیلی پرچم کو بھی نذر آتش کیا گیا اور امریکہ کے خلاف شدید نعرہ بازی کی گئی۔